Banda Música Artistica Arcade

O Deputado provincial Alberto Pazos entregou ,en presenza do Alcalde de Soutomaior Agustín Reguera, unha subvención de 3.000 Euros á Banda de Música Artística de Arcade.

Recolleu o importe da subvención Carlos Abal que agradeceu á Deputación Provincial de Pontevedra o seu apoio a esta Agrupación musical en particular e á Cultura musical en xeral.

A Banda de Música Artística de Arcade foi fundada no ano 1868 e dende esa data actúa de forma ininterrompida no panorama musical galego.

Máis de 140 anos amenizando verbenas e pasacalles por todos os cantos da xeografía galega.

Na actualidade conta con máis de 40 membros e sobre todo destaca pola súa Escola de Música na que se están a formar máis de 50 mozos e mozas músicos.