A "III Xuntanza dás Mulleres" de Soutomaior celebrada na cidade da Coruña resultou ser todo un éxito, máis dun centenar de mulleres de todas as idades participaron na actividade organizada pola Concellaría de Muller, delegada por Cristina González.

Este ano tivo lugar na cidade da Coruña e o día escollido para tal ocasión foi o sábado 12 de xuño. Partiron dous autobuses repletos de mulleres ilusionadas por pasar un día especial, diferente e en boa compañía; e regresaron encantadas da viaxe "xa estamos a esperar con impaciencia a Xuntanza do ano que vén" comenta unha das participantes.

Como cada ano as asistentas tiveron acceso pola mañá a un circuíto termal en La Casa del Agua, na que gozaron das súas amplas instalacións formadas por diversas saunas con diferentes temperaturas e humidade; piscinas de contraste, hidromasaxes, chorros... gozando dunha relaxación total e renovando corpo e mente.

A continuación, comeron na cidade herculina no Restaurante A Peneira un menú composto por un primeiro prato, podendo escoller entre un caldo galego, unha sopa ou uns calos; de segundo prato unha riquísima carne asada con patacas; e de sobremesa flan ou arroz con leite acompañado por café.

Pola tarde, animáronse a facer un pouco de exercicio camiñando polo paseo marítimo de Riazor. E para finalizar, visitaron a localidade de Sada, na que casualmente era o día do mercado e puideron levarse ás súas casas recordos para toda a familia. A Concelleira, Cristina González, fixo entrega dun abanico a cada unha das asistentas.

“Cada ano son máis ás mulleres que participan neste tipo de Xuntanza e por iso quero agradecerlles a súa boa predisposición. Gustaríame tamén animar ás máis tímidas a participar e compartir connosco, para a próxima edición, un día no que ás mulleres de Soutomaior comparten sorrisos e anécdotas” comenta a edil Cristina González.