Artigos de Alcaldía

Este ano, na entrega de premios e distincións que organiza a AEAS, foron homenaxead@s María Duarte Rey de "Dubar Comercial" e Francisco Lorenzo Boullosa de "Restaurante Arcadia" con motivo da súa xubilación. Tamén foron premiados en recoñecemento á traxectoria e ao esforzo, Milagros Cal Conde de "Mila Arcade, S.L." e Manuel Reguera Garrido de "Cafetaría Ibiza". O presidente da Asociación, Andrés Cal Malleiro, agradeceu tamén a presenza do alcalde de Soutomaior, Agustín Reguera Ocampo, facéndolle entrega dunha placa conmemorativa en recoñecemento ao apoio que o Concello de Soutomaior tivo especialmente este ano co comercio de Arcade e Soutomaior.

Esta iniciativa alentou as compras nas tendas locais do municipio durante dúas semanas, sorteando entre todos os clientes 21 vales de agasallo valorados en total en 3.000 euros. Os vales foron entregados pola Directora Xeral de Comercio, Nava Castro; o Deputado Provincial, Alberto Pazos; o Alcalde de Soutomaior, Agustín Reguera; o Concelleiro de Comercio de Soutomaior, Cesar Peon; e polo Presidente e o Vicepresidente da Asociación de Empresarios de Arcade e Soutomaior (A.E.A.S.), Andrés Cal e Antonio Álvarez.

Fotografías do SORTEO "MERCA NA RÚA" 

A iniciativa ponse en marcha a través da Oficina Provincial de Comercio de Pontevedra, financiada por Economía e Industria a través dun programa de colaboración coa Deputación de Pontevedra e que forma parte da "Rede de Dinamización Comercial de Galicia", REDIC. O alcalde de Soutomaior, Agustín Reguera, explicou que con esta iniciativa saen beneficiados tanto os clientes, que ven premiada a súa fidelidade, como o comercio local, porque non só se dinamiza a súa actividade ao longo de quince días senón que unha vez finalizada a campaña os premios reinvístense nos seus establecementos.

Onte, tivo lugar a firma do convenio de colaboración entre a Deputación de Pontevedra e a Asociación de Empresarios de Arcade e Soutomaior para o fomento do emprego, a mellora e promoción do asociacionismo. O acto foi celebrado ás 11,30 horas no Centro Multiusos de Arcade, ao que asistiron o alcalde de Soutomaior, Agustín Reguera, o deputado Alberto Pazos, o presidente da A.E.A.S., Andrés Cal, e o vicepresidente desta, Antonio Álvarez.