MERCA NA RÚA reparte 3.000 euros entre os clientes do comercio local

Esta iniciativa alentou as compras nas tendas locais do municipio durante dúas semanas, sorteando este sábado entre todos os clientes 21 vales de agasallo valorados en total en 3.000 euros. Deste xeito, a Consellería de Economía e Industria,  a través da Campaña de Dimanización Comercial MERCA NA RÚA, aposta pola modernización e dinamización do comercio de proximidade. Así mesmo, promoveuse o asociacionismo comercial e fomentouse a colaboración entre a asociación de comerciantes local (www.aeas.org) e as administracións públicas.

Os vales foron entregados pola Directora Xeral de Comercio, Nava Castro; o Deputado Provincial, Alberto Pazos; o Alcalde de Soutomaior, Agustín Reguera; o Concelleiro de Comercio de Soutomaior, Cesar Peon; e polo Presidente e o Vicepresidente da Asociación de Empresarios de Arcade e Soutomaior (A.E.A.S.), Andrés Cal e Antonio Álvarez. Con esta inicitiva saen beneficiados tanto os clientes, que ven premiada a súa fidelidade, como o comercio local, porque non só se dinamiza a súa actividade ao longo de quince días senón que unha vez finalizada a campaña os premios reinvístense nos seus establecementos.

A iniciativa púxose en marcha a través da Oficina Provincial de Comercio de Pontevedra, financiada por Economía e Industria a través dun programa de colaboración coa Deputación de Pontevedra e que forma parte da “Rede de Dinamización Comercial de Galicia”, REDIC.

A carpa estivo instalada durante 15 días na Alameda de Talo Río de Arcade, até o sábado 29 de outubro, data na que tivo lugar o sorteo de carácter presencial. A carpa permaneceu aberta durante todo o día ofrecendo actividades de recreo programadas para os máis novos.

Fotografías do SORTEO "MERCA NA RÚA"