Máis de 1.600 personas solicitaron información na OFICINA MUNICIPAL DE TURISMO de Soutomaior

A Concellería de Turismo de Soutomaior puxo en marcha dende o 29 de marzo, coincidindo con Semana Santa, a Oficina Municipal de Turismo situada no peirao de Arcade. A actuación está avalada pola colaboración de Turismo Rías Baixas-Deputación de Pontevedra e como novidade, este ano debido ao Xacobeo, a Oficina permanecerá aberta durante un período de seis meses en vez de catro.

Os servizos ofrecidos dende a Oficina van dirixidos ao turista e ó residente de Soutomaior, nela poderán encontrar información, animación e promoción turística da zona e arredores; así como servizos complementarios que melloran a atención ao público, dende unha Biblioverán, que ten como obxectivo principal achegar a lectura ao transeúnte, a través do préstamo de xornais, libros ou revistas como "Viaxar"; ou a reseva das pistas de tenis e padel que ofrece o Concello de Soutomaior. Os internautas poderán consultar a oferta turística do Concello na súa Web www.soutomaior.com.

Dolores Cernadas, Concelleira de Turismo, explica que os horarios de apertura son de 10 h a 14 h e de 16:30h a 20:30h durante todos os días da semana, de luns a domingo incluídos festivos, permanecendo aberta ata o 28 de setembro. "Ademais conta con tódolos medios materiais para ofrecer un servizo completo e de calidade" engade a edil.

A Oficina Municipal de Turismo atendeu durante estes meses a máis de 1.600 persoas, entre elas, turistas, peregrinos e habitantes de Soutomaior. Sinalan dende esta dependencia que a cifra é algo inferior á do ano pasado debido á mala situación financeira que se está a vivir en todo o mundo. A gran diferenza doutros anos, é a grande afluencia de peregrinos debido ao Ano Santo que se deixan caer polo municipio seguindo o Camiño Portugués e que acoden á Oficina de Turismo para selar a credencial e conseguir a "Compostela" unha vez chegados a Santiago. Camiño, que é apoiado e promovido polo Alcalde de Soutomaior, Agustín Reguera, e polo seu equipo de goberno.

Os veraneantes que se achegan á Oficina adoitan preguntar sobre todo polo Castelo de Soutomaior e as famosas ostras de Arcade, xa que é o que máis lles soa, ademais de interesarse polas opcións de ocio no Concello e que visitar ou onde ir na zona das Rías Baixas. Habitualmente adoitan demandar información sobre gastronomía, aloxamento, rutas de sendeirismo ou festas de interese turístico. O perfil do turista segue sendo de entre 35 e 60 anos, procedentes a maioría de Galicia, Asturias, Cataluña; e a nivel internacional destacan os alemáns, portugueses e franceses.

Segundo a Técnica de Turismo, Maria Garrido, "os residentes de Soutomaior tamén fan uso do servizo para planificar ás súas vacacións e visitas turísticas ós arredores, como os horarios das saídas ás Islas Cíes e San Simón, ás festas e romaxes de Galicia ademais doutras consultas".

Segundo a destacado o Alcalde, Agustín Reguera "dende ou Concello non escatimamos en reforzar ás labores de promoción turística e de atención o visitante. Animar ós galegos a redescubrir a súa terra e conseguir que os peregrinos fagan unha parada longa en Soutomaior a través do Camiño Portugués".

INFORME ANO 2009

Segundo os datos achegados pola Oficina de Turismo, durante o período comprendido entre o 1 de xuño ao 30 de setembro do 2009 solicitaron información 2.210 persoas, unha cifra bastante superior á tempada anterior de 2008, que foi de 1.643 visitantes. No informe tamén se destaca que o perfil do visitante máis asiduo son con diferenza os de idades comprendidas entre os 35 e os 60 anos; procedentes de Galicia sobre todo de Vigo e Pontevedra, a nivel nacional séguelle Asturias, Pais Vasco, Andalucia, Cataluña e a Comunidade Valenciana e finalmente a nivel internacional destacan estranxeiros de Alemaña, Francia, Italia, Xapón e Estados Unidos.

As consultas máis habituais dos usuarios da oficina foron relacionadas na súa maioría co municipio e arredores. Os visitantes a miúdo solicitaron información sobre restaurantes e marisquerías da zona, así como hoteis próximos, actividades culturais e deportivas, mapas e guías do concello, información acerca dos recursos turísticos como o Castelo e os seus xardíns, as rutas de sendeirismo, praias fluviais, festas e romaxes...