A Biblioteca Municipal de Soutomaior celebra a SEMANA DO LIBRO perseguindo a motivación da xuventude

A Biblioteca Municipal LUIS SEOANE de Soutomaior  celebrará dende o luns 11 ata o venres 15 a VI edición da SEMANA DO LIBRO. Unha celebración literaria coa que a casa do concello municipal fomenta e promove a lectura entre os máis novos. O Alcalde do Concello de Soutomaior, Agustín Reguera, apuntou que "o feito de ler non se pode impoñer polo que os adultos temos a obriga de dar exemplo para fomentar a lectura".

Talleres de animación á lectura, contacontos, representacións teatrais, visitas á biblioteca e pases de películas centran a axenda de actividades programadas para a SEMANA DO LIBRO 2011, unha conmemoración que persegue a motivación dos máis novos ante o mundo do libro.

*LUNS 11 ás 17:00h Taller de Contacontos "Soños de algodón" (Amalia Pérez Otero) 

 MARTES 12 ás 16:30h Cine Infantil: O MEU VECIÑO TOTORO (Hayao Miyazaki)

*MÉRCORES 13 ás 17:00h Taller de Contacuentos "A Illa do Tesouro" (Amalia Pérez Otero)

 XOVES 14 ás 17:00h Taller de canción KARAOKE (Nin fu nin fa animación) Taller Familiar

 VENRES 15 ás 17:00h Contacontos en Inglés "Where´s spot? " (English Story Time) Contacontos Familiar

Para participar nas actividades do luns 11 e do mércores 13 haberá que realizar unha inscrición previa para os nenos e nenas de entre 4 e 10 anos dispoñendo de 30 prazas por cada actividade.

Para máis información preguntar no mostrador da Biblioteca Municipal situada en Arcade. Poden chamar o 986 700 291.