Casa da Barreira " 4 Espigas"

A casa de Turismo rural "Casa Barreira" obtivo a clasificación de "4 espigas" (similar ao de 4 estrelas dun hotel) da Asociación Española de Turismo Rural.

Situada no barrio de Lourido (Soutomaior) é unha antiga casa de labranza situada na falda do Castelo de Soutomaior rodeada de amplos xardíns.

A fachada da casa e muros interiores son de pedra seguindo a tipoloxía da época. Con máis de 200 anos de antigüidade foi restaurada respectando todo o tipismo da zona e acondicionada con todas as comodidades de hoxe en día.

Por cuarto ano consecutivo recibiu tamén o distintivo SICTED ( Sistema Integral de Calidade Turística Española en Destino) que é un proxecto da Secretaría Xeral de Turismo, que, en colaboración coa Deputación Pontevedra, traballa na busca da calidade neste destino dende o ano 2005.

 O xerente da empresa Juan Ramón Campos entrega ao Alcalde de Soutomaior Agustín Reguera unha copia do Certificado de Clasificación deste establecemento situado no Concello de Soutomaior