Artigos de Deportes

Xoves, 15 Decembro 2011 13:45

Os colexios de Pazos de Borbén, Redondela, Soutomaior e Vilaboa inician as actividades incluídas no programa "Xogade" da Xunta de Galicia

O programa "Xogade" está organizado pola Secretaria Xeral para o Deporte en colaboración coa Agrupación Deportiva "Arcadia". Onte celebrouse no Pavillón Municipal de Soutomaior as xornadas de "Xogando co Atletismo". Catro colexios da zona, Santiago Apóstol de Soutomaior, Curros Enríquez de Pazos de Borbén, Ceip Toural de Vilaboa e Ceip de Cedeira en Redondela disputaron cinco probas individuais e dúas probas de substitucións en equipo, tanto masculinas como femininas.

FOTOGRAFÍAS DA XORNADA “Xogando co Atletismo”

Artigos de Deportes

Martes, 13 Decembro 2011 14:37

O Concello de Soutomaior organiza un partido benéfico de baloncesto e unha homenaxe a Alfonso Pazos Martínez á súa longa traxectoria deportiva

En anos anteriores disputábase un partido de fútbol no Campo Municipal de Salgueirón (Arcade) pero neste ano 2011 disputarase un partido de BALONCESTO que terá lugar o vindeiro sábado, 17 de decembro, no Pavillón Municipal de "A Montesiña" a partir das 17:00 horas. No descanso do partido renderase unha merecida homenaxe a Alfonso Pazos Martínez, que durante sesenta anos leva compaxinando labores de xogador, adestrador e presidente do Club de Baloncesto de Arcade.

*A recadación de todos os asistentes e participantes (1€) destinarase ao labor humanitario de Cáritas.

Artigos de Deportes

Xoves, 27 Outubro 2011 11:04

O Concello de Soutomaior premia o esforzo e a constancia dos equipos deportivos municipais

O Club Amigos do Wushu de Arcade integrou a dous competidores na SELECCIÓN NACIONAL na modalidade de combate ao ko, Alfonso Valcárcel 90kg, e Francisco Sobradelo en 75kg. Entre o día 8 e o 15 de outubro tivo lugar na cidade de Ankara, Turquía, o XI CAMPIONATO DO MUNDO DE WUSHU, coa participación de 85 países e na que España se fixo coa MEDALLA DE PRATA a través de Alfonso Valcárcel. Onte, o alcalde de Soutomaior fíxolle entrega dunha Medalla Conmemorativa ao Mérito Deportivo.

Por outra banda, para Soutomaior constituíu un verdadeiro éxito que o KICKBOXING CLUB ARCADE fose o máis galardoado no Campionato Galegos de Kickboxing nas categorías infantil, cadete e senior, que tiveron lugar no pavillón municipal polideportivo de Marín. Conseguindo o trofeo destinado ao MELLOR CLUB clasificado e o trofeo á MELLOR COMPETIDORA, Paula Sobral.

Artigos de Deportes

Martes, 13 Setembro 2011 11:15

Aberto o prazo de inscrición para as ESCOLAS DEPORTIVAS 2011-2012 DE SOUTOMAIOR

A Concellaría de Deporte de Soutomaior abre o prazo de inscrición ata o 23 de setembro, para os interesad@s que estean empadroad@s o custo da inscrición será máis económico e terán preferencias sobre os demais solicitantes. Natación, tenis infantil, liga local de fútbol sala, tenis e pádel, patinaxe, actividade física para adultos, baile moderno e salón, iniciación ao deporte, ximnasia rítmica... A QUE ESPERAS?

Artigos de Deportes

Martes, 19 Xullo 2011 08:38

O Concello de Soutomaior fomenta a práctica do deporte

O sábado máis dun centenar de afeccionados ao ciclismo de todas as idades participaron na FESTA DA BICICLETA. Agustín Reguera, alcalde de Soutomaior, fixo entrega do material deportivo sorteado entre os participantes unha vez finalizada a ruta.

A ESCOLA MUNICIPAL DE ESQUÍ logra o podio case ao completo na primeira proba da COPA DE GALICIA DE ESQUÍ NÁUTICO realizada en Tui. O domingo, 7 e agosto, celebrarase a 2ª PROBA no Peirao de Arcade, organizada polo Club Náutico de Arcade co patrocinio do Concello de Soutomaior.

Programa da 3ª SEMANA DAS ACTIVIDADES DE VERÁN´11