Clausura dos xogos deportivos escolares 2009-2010 en Soutomaior

A Concellería de Deportes de Soutomaior levou a cabo o acto de Clausura de Competición Deportiva en Idade Escolar desenvolvidas ao longo do curso 2009-2010 e encadradas no programa “Xogade” da Xunta de Galicia. A cita tivo lugar o venres 21 no Pavillón Municipal de Deportes da Montesiña, ao que asistiron representantes de cada colexio.

Entre os asistentes, acudiron a cita o Alcalde Agustín Reguera e o Concelleiro Francisco Iglesias, que fixeron entrega de camisetas e outros pequenos obsequios a tódolos participantes das competicións. “Co programa o que se pretende por un lado é acercar os rapaces, de unha maneira divertida, actividades menos practicadas tales como o  bádminton e por outro impulsar a relación entre os alumn@s dos municipios colindantes” comenta o edil José Francisco Igrexas.

Un total de 300 alumn@s pertencentes aos Colexios de Pazos de Borbén “Curros Henrí quez”, Redondela “Cedeira”, Vilaboa “Toural” e Soutomaior “Santiago Apóstol” de 4º, 5º e 6º de primaria participaron nas diferentes actividades deportivas. Fútbol sala, baloncesto ou bádminton foron algunhas das modalidades practicadas, en caso de empate recurríase a probas culturais, un xeito moi elocuente de exercitar a mente ademáis do corpo.

“Con este acto remata unha competición escolar no que o primordial é o fomento do deporte e o compañerismo entre os máis cativos” destaca o Alcalde Agustín Reguera. Ó finalizar o acto os máis peques solicitaron ó Alcalde unha firma nas súas camisetas para levar de recordo ás súas casas.