O Concello de Soutomaior e o equipo de normalización lingüística do CPI Manuel Padín Truiteiro, RENOVAN O ACORDO PARA FOMENTAR A LINGUA GALEGA

O Alcalde de Soutomaior, Agustín Reguera Ocampo e o coordinador do equipo de normalización lingüística do C.P.I. Manuel Padín Truiteiro, Francisco Obelleiro Piñón, renovaron por terceiro ano consecutivo, o acordo de colaboración entre o Concello e o equipo deste centro para promover o uso da lingua galega entre os nenos e nenas.

Así, o Concello de Soutomaior comprométese a financiar unha actividade en galego por trimestre ben sexa de teatro, de monicreques ou musical en horario lectivo e a realizar no Multiusos, para tódalas idades.

Esta iniciativa forma parte dunha serie de actividades que se están a levar a cabo en Soutomaior para fomentar a nosa lingua, como é o Certame de Micronovela en galego, o Taller Trilingüe que se desenvolve na Biblioteca Municipal ou o Concurso de Relatos Eróticos que organiza a Consellería da Muller a través do Centro de Información á Muller.