Artigos de Igualdade

Martes, 14 Febreiro 2012 10:39

Os Concellos de Ponte Caldelas e Soutomaior asinan un convenio de colaboración en materia de IGUALDADE

O citado convenio ten por obxecto a cooperación entre os Centros de Información á Muller (CIM) que ten cada Concello, co obxectivo de ampliar e colaborar na prestación do asesoramento xurídico e atención psicolóxica do devandito servizo nas usuarias de ambos os dous concellos. Ambos os dous alcaldes, consideran que a cooperación entre concellos é fundamental nestes tempos e serao máis se se queren manter servizos importantes como o CIM. Por iso consideran que este convenio é un primeiro paso, e non descartan que no futuro poida xa organizarse un único CIM compartido, toda vez que cando finalicen as axudas europeas que financian en parte estes servizos, a única forma de mantelos é mediante a cooperación entre Concellos.

Artigos de Igualdade

Martes, 29 Novembro 2011 14:10

O Concello de Soutomaior inaugura a I MOSTRA DE ARTE ERÓTICA cun total de 14 artistas

Durante esta semana, do 28 de novembro ao 2 de decembro estará na sala de exposicións do Multiusos de Arcade a I MOSTRA DE ARTE ERÓTICA, na que participan un total de 14 artistas. A exposición conta con obras de escultura, pintura, cerámica, orfebrería e fotografía, todas elas con temática erótica. O horario da exposición é de luns a venres de 10:00h a 13:00h e de 17:00h a 20:00h.

*O vindeiro xoves dia 1 de Decembro, DÍA INTERNACIONAL DA LOITA CONTRA A SIDA, ás 19:00 horas entregarase na sala de exposicións o premio ao gañador/ora da III edición do Concurso de relatos eróticos "Punto e Seguido".

Artigos de Igualdade

Xoves, 24 Novembro 2011 11:05

@s alumn@s do C.E.I.P. Manuel Padín Truiteiro e do Colexio Santiago Apóstol de Soutomaior participan no VII Concurso de carteis contra a violencia de xénero

Mañá, venres 25 de novembro ás 19:00 horas no Multiusos de Arcade, o Concello de Soutomaior realizará a entrega de premios do VII Concurso de carteis contra a violencia de xénero, organizado pola Concellaría de Igualdade, Servizos Sociais e Sanidade.

Artigos de Igualdade

Mércores, 16 Novembro 2011 10:21

CONTA COMIGO, programa desenvolvido polo Concello de Soutomaior para a Prevención da violencia de xénero

A concelleira de Igualdade, Servizos Sociais e Sanidade de Soutomaior, Cristina González, clausurou o xoves pasado no Colexio Manuel Padín Truiteiro o programa CONTA COMIGO para a Prevención da violencia de xénero desenvolvido ao longo do mes de outubro, dando continuidade ao programa durante este mes de novembro no Colexio Santiago Apóstol. Tratando os seguintes conceptos: dereitos humanos, violencia, violencia de xénero, sexismo, comunicación, resolución de conflitos e autoestima, transmisión de roles e estereotipos por medio da publicidade.

Artigos de Igualdade

Mércores, 07 Setembro 2011 09:35

A Concellaría de Igualdade de Soutomaior engade unha exposición de ARTE ERÓTICO ao CONCURSO DE RELATOS "PUNTO E SEGUIDO"

O CIM (Centro de Información á Muller) organiza a III Edición do Concurso de Relatos Eróticos "PUNTO E SEGUIDO" co obxectivo de promover unha educación sexual libre de tabús e fomentar a ruptura de estereotipos sexistas. O prazo para a presentación das obras finaliza o 4 de novembro. Dentro das actividades promovidas pola Concellaría de Igualdade, Servizos Sociais e Sanidade neste ano 2011 destacamos tamén a organización da I Mostra de ARTE ERÓTICO.