RADIOTAXI estará operativo as 24 horas do día no Concello de Soutomaior

Actualmente, o colectivo de Taxi no Concello de Soutomaior componse de 5 vehículos operativos as 24 horas do día. Ata agora, as chamadas dirixidas á cabina de teléfono dispoñible na parada dos taxistas, sita na rúa Rosalia de Castro (Arcade), non sempre eran atendidas polo colectivo, porque non poden estar presentes en todo momento na parada debido aos continuos desprazamentos que deben realizar no transcurso do día.

Para solucionar este problema, o Concello de Soutomaior impulsou unha nova iniciativa coa intención de mellorar a calidade do servizo ofrecido aos residentes da zona. E é que, o número de contacto da parada de taxis, 986 700 108, estará operativo as 24 horas do día durante os 365 días do ano (incluídos festivos). Aínda que os taxistas non respondan directamente ao teléfono da parada, a chamada desviarase ao móbil do taxista operativo nese instante podendo atender e satisfacer a demanda do cliente.

Según o alcalde de Soutomaior, Agustín Reguera, "a través deste novo sistema operativo impulsado polo Concello ofreceremos un servizo seguro e de calidade, que estará mellor valorado polos veciños e veciñas do municipio".

Para promover e difundir o novo servizo realizáronse numerosos adhesivos informativos que serán distribuídos a través dos membros do colectivo de Taxi do Concello de Soutomaior.