Artigos de Vías e Obras

PDF Imprimir Correo-e

AMPLIACIÓN DO PASEO MARÍTIMO DE ARCADE

AMPLIACIÓN DO PASEO MARÍTIMO DE ARCADE

O Concello de Soutomaior acaba de dar comezo ás obras de ampliación do paseo marítimo de Arcade.

Os traballos prevense que estean finalizados, de non se presentar complicacións, nas dúas primeiras semanas do mes de xullo.

A lonxitude total do paseo quedaría así en 1.150 metros de percorrido polo litoral conectando a praia do Peirao coa ponte medieval de Pontesampaio

 
PDF Imprimir Correo-e

Obras no Cemiterio de Arcade

O CONCELLO DE SOUTOMAIOR INVESTIRÁ NA RENOVACIÓN DO CEMITERIO DE ARCADE

O proxecto inclúe a instalación dun novo pavimento e redes de recollida de pluviais no interior do recinto do camposanto.

O Concello de Soutomaior rematou a redacción do proxecto de renovación de redes e pavimentos do cemiterio de Arcade. O plan, que conta co apoio e financiamento da Deputación de Pontevedra, considera a instalación dunha nova rede de recollida de pluviais así como a substitución do pavimento no interior do camposanto. Os traballos darán comezo nos próximos meses e contan cun presuposto de 45.700 € para a súa realización.

 
PDF Imprimir Correo-e

Obras Humanización Peirao de Arcade

O CONCELLO DE SOUTOMAIOR FINALIZA OS TRABALLOS DE ACONDICIONAMENTO E HUMANIZACIÓN NO PEIRAO DE ARCADE

A colocación das últimas xardineiras, despois da "Festa dá Ostra" do pasado fin de semana, supuxo a continuación dos traballos de acondicionamento e humanización na nova rotonda, no Peirao de Arcade. Unha obra que chega á súa final esta semana co repintado da sinalización horizontal que regula case un centenar de prazas de aparcadoiro e que pretenden achegar maior comodidade aos veciños e usuarios da praia ademais dunha mellora estética pola introdución de novos elementos ornamentais.

 
PDF Imprimir Correo-e

Asfaltado Viais

O Concello de Soutomaior levou a cabo os asfaltados dos viais de Pedra do Puso, Coello e anexo ao Campo Municipal de Fútbol de Candán, todos eles na parroquia de Soutomaior.

 As obras consistiron en varrido e pavimentación de máis de 4000 metros cadrados e aparcadoiro do campo de fútbol. O presuposto superou os 40.000 € e foi financiado pola Deputación Provincial dentro do Plan de Investimentos Locais.

Tamén no día de hoxe comezou o asfaltado da Rúa Calvario en Arcade que cun presuposto de 60.000 € está financiado pola Consellería de Medio da Xunta de Galicia.

 
PDF Imprimir Correo-e

Reparacións no Paseo Marítimo de Arcade

O Concello de Soutomaior, despois dos actos vandálicos que se produciron no paseo marítimo de Arcade, empezou á súa reparación coa substitución de papeleiras metálicas, reposición dos bancos de pedra e colocación dos bancos de madeira.

En breves datas procederase á colocación das novas duchas estando á espera de da súa recepción por parte do provedor.

Así mesmo reparáronse e colocado os sinais verticais de información e a substitución das tapas de rexistro extraviadas.

O Concello de Soutomaior lamenta as molestias ocasionadas aos usuarios do paseo e espera que non se volvan producir feitos similares co que se intensificará a vixilancia da zona por parte da Policía Local e Garda Civil

 


Page 1 of 3