Artigos de Xuventude

A entrega de premios da X edición do CONCURSO DE POSTAIS DE NADAL organizado polo Concello de Soutomaior, celebrada o pasado sábado no Multiusos de Arcade, superou este ano récord de participación ao recibir 524 traballos. Ariana Lusquiños Peón conseguiu o primeiro premio na categoría de 2 a 4 anos; Nerea Bascuas Ríos na de 5 a 8 anos; Aarón Campos García na de 8 a 12 anos; Martín Alján Poza na de 13 a 17 anos; David Teixeira Barciela na de maiores de 18 anos; e Adriana García Mos e Basilio Vidal Rey na categoría tridimensional.

O Concello de Soutomaior abre o prazo de presentación para participar no X CONCURSO DE POSTAIS DE NADAL, que finalizará o día 2 de decembro. O acto oficial de ENTREGA DOS PREMIOS será o sábado 17 de decembro ás 20,00 horas no Multiusos de Arcade. Logo haberá unha actuación de animación a cargo de "Circo Lapsus", espectáculo de malabares, circo e animación para todos os públicos. Tamén está aberto o prazo de inscrición para participar nos obradoiros lúdicos organizados para as VACACIÓNS DE NADAL! PROGRAMA LUDONADAL

A celebración do Samaín é un vestixio que arrinca das máis fondas raíces culturais e antropolóxicas celtas. En Galicia, na actualidade, séguese mantendo esta tradición e o Concello de Soutomaior quéreo festexar con actividades variadas para todos os públicos o sábado 29 de outubro no Pavillón de "A Montesiña". A principal novidade deste ano é que poderán participar na Casa do Terror persoas de todas as idades. 

Imaxes do SAMAIN 2010

Inaugurado a semana pasada pola edil de Xuventude de Soutomaior, Noelia Ocampo, DIETÉTICA & NUTRICIÓN forma parte do catálogo de cursos formativos do Programa Actívate 2011 da Deputación de Pontevedra. Cursos que teñen como finalidade potenciar a integración dos mozos e mozas no mundo laboral.