O Concello de Soutomaior cubre as 25 prazas que se ofertaban para o curso de DIETÉTICA & NUTRICIÓN

Comeza o curso de DIETÉTICA & NUTRICIÓN, coordinado pola Concellaría de Xuventude de Soutomaior en colaboración coa Deputación de Pontevedra, enmarcado no Programa Actívate 2011.

A Deputación Provincial de Pontevedra, consciente da necesidade de ofertar programas, recursos e actividades para os mozos e mozas da provincia de Pontevedra, convocou novamente para o ano 2011 un catálogo de cursos formativos co fin de potenciar a súa integración no mundo laboral.

O curso de DIETÉTICA & NUTRICIÓN foi inaugurado a semana pasada pola edil de Xuventude de Soutomaior, Noelia Ocampo, que deu a benvida @s 25 participantes do curso. Este curso impartirase os martes e xoves de 17h a 20h no Centro do Multiusos situado en Arcade, cunha duración de 30 horas.

As persoas que finalicen o curso, con éxito, recibirán un diploma expedido pola Deputación de Pontevedra.

Máis información en ACTÍVATE 2011 - DEPUTACIÓN DE PONTEVEDRA