O Concello de Soutomaior presenta o programa de actividades para festexar o SAMAIN 2011

O Concello de Soutomaior presenta o programa de actividades que se van a levar a cabo para festexar este ano o SAMAÍN. O festexo terá lugar o sábado 29 de outubro de 2011 no Pavillón da Montesiña.

A celebración do Samaín é un vestixio que arranca das máis fondas raíces culturais e antropolóxicas celtas. En Galicia, na actualidade, séguese a manter esta tradición e o Concello de Soutomaior quéreo festexar con actividade variadas para todos os públicos.

PROGRAMA 2011

MAÑÁ

*Curso de elaboración de chulas e biscoito de cabaza

Horario: 10,00 a 12,00 h

Idades: de 5 a 16 anos (faremos grupos por idades)

Inscrición previa: ata 27 de outubro na OMIX, prazas limitadas.

Lugar: Local Baixo Praza de Abastos (Arcade)

TARDE

17 a 20h *Obradoiro de maquillaxes e Xogos

17 a 20 h *Casa do terror

Dirixida a todas as Idades para pasar unha tarde de medo!!!

Inscricións previas o mesmo día na entrada da actividade.

Entrarase en grupos de 12 persoas e por idades.

20 a 20,30 h *Concurso de cabazas

Participarán todas as persoas que traian a súa Cabaza tallada da casa.

As bases pódense descargar en: www.soutomaior.com  

20,30 a 20,40 h *Baile Final

20,40 a 21,00 h *Degustación de chulas e biscoito de cabaza elaboradas no obradoiro de cociña de Samaín.

A principal novidade deste ano é que poderán participar na CASA DO TERROR  persoas de todas as idades. Os grupos faranse en función das idades e as sorpresas no interior da casa serán diferentes para cada público.

Outras cuestión a destacar é que haberá que inscribirse previamente para participar no OBRADOIRO DE ELABORACIÓN DE CHULAS E BISCOITO DE CABAZA. Este obradoiro desenvolverase pola mañá o sábado 29 de outubro, no baixo do Local da Praza de Abastos. Vai dirixido a persoas con idades comprendidas entre os 5 e os 16 anos (farase grupos por idades).

As persoas que desexen participar no II CONCURSO DE CABAZAS terán que traer a cabaza tallada e decorada da casa. Inscribiranse para participar, o mesmo día nos obradoiros da tarde. As bases para participar no concurso están publicada na web www.soutomaior.com

O prazo xa está aberto e as prazas son limitadas. A información pódese descargar na páxina www.soutomaior.com/xuventude ou tamén no facebook de xuventudesoutomaior. O horario de atención ao público da OMIX da OMIX é de 15,30 a 20, 30 de luns a venres agás os mércores que é de 9 a 14 h.

Imaxes do SAMAIN 2010