O Concello de Soutomaior pon en marcha novos cursos de formación, lecer e creatividade

O Concello de Soutomaior pon en marcha o programa de actividades previstas para o primeiro trimestre do ano 2012, incluído dentro do Plan Municipal de PROMOCIÓN E DINAMIZACIÓN DA MOCIDADE.

Dentro do Programa de Dinamización Xuvenil, neste trimestre que comprende os meses de xaneiro, febreiro e marzo a Concellaría de Xuventude de Soutomaior porá en marcha novos programas e actividades entre as que destacamos por unha banda as actividades formativas e por outra banda as actividades de lecer, xunto coas actividades de creatividade.

O Concello convoca varios cursos dirixidos preferentemente ás persoas desempregadas. Estas accións van ligadas á actualización de coñecementos e a adquisición de novas competencias e recursos. Unha vez finalizadas as accións formativas as persoas que terminen exitosamente os cursos recibirán un diploma de asistencia expedido polo Concello de Soutomaior.

Desenvolveranse desde finais de xaneiro ata marzo: DÍPTICO ACTIVIDADES (fai click)

O prazo para moitas destas actividades xa está aberto e as prazas son limitadas. A información pódese descargar na páxina Concellaría de Xuventude de Soutomaior  ou tamén no facebook de xuventudesoutomaior.

O horario de atención ao público da OMIX é de 15:30h a 20:30h de luns a venres excepto os mércores que é de 09:00h a 14:00h. Teléfono: 986 700 822 / Correo electrónico: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo