Martes, 24 Mai 2016 14:09

Axudas transporte escolar

Axudas transporte escolar

O CONCELLO DE SOUTOMAIOR DESTINA 5000 EUROS EN BOLSAS PARA O TRANSPORTE ESCOLAR

A axuda esta dirixida a alumnos de FP e Bacharelato que cursen os seus estudos fora do Concello.

O Concello de Soutomaior pon en marcha unha nova axuda para o transporte escolar do próximo curso. En total destinaranse 5.000 euros para subvencionar o transporte daqueles alumnos de FP e Bacharelato que cursen os seus estudos fose do municipio e da área metropolitana de Vigo.

Esta subvención conta cun orzamento inicial de 5.000 euros, pero que serán ampliables ata que sexa necesario con tal de que ningún alumno que a necesite quede sen ela. “Ningún alumno quedará sen poder estudar por problemas de transporte”, explicou o alcalde de Soutomaior, Agustín Reguera, que continuo, “esperamos poder sacar as bases definitivas na próximas semana para que os alumnos do próximo curso xa poidan solicitar a súa axuda ao transporte escolar”. Aínda que o sistema polo que se fará chegar a axuda aos alumnos aínda está por decidir, “o máis probable é que optemos por un sistema de bonos”, afirmou Reguera.

Esta subvención estará dispoñible para os alumnos empadroados no Concello de Soutomaior que cursen os seus estudos o próximo curso fose do municipio e da área metropolitana de Vigo, xa que estes últimos xa teñen o transporte dentro da área subvencionado. Desta maneira corríxese a situación de desigualdade que se producía entre os alumnos segundo a súa localidade de estudo.

A axuda estará dispoñible durante estes tres anos nos que se construirá o novo instituto de Soutomaior, xa que despois xa non será necesario que os alumnos do municipio desprácense para cursar os seus estudos.


Publicado en Educación
Visto 2372 veces


Concellería de Educación
educacion@soutomaior.com

AVISO PROGRAMA ColeRoteiros

09-05-2019 / Educación

Queda cancelada a ROTIQUEDADA programada para este venres 10 de maio por causa do mal tempo. Sentímolo! Lembrade que a seguinte será o venres 31 de maio.