Martes, 18 Decembro 2018 19:47

Inicio do programa xuvenil TI DECIDES"

Inicio do programa xuvenil TI DECIDES"

O Concello de Soutomaior pon en marcha  o programa TI DECIDES! que se desenvolverá ó longo de todo o curso no CEIP Padin Truteiro, no colexio Santiago Apostol e  IES de Soutomaior. Trátase dun programa xuvenil de intervención  socioeducativa que se desenvolve nos centros educativos coa súa colaboración co fin de promover entre a mocidade conductas máis saudables e respetuosas. O programa ten un carácter preventivo e cada ano ofértanse aos centros diferentes obradoiros nos que se tocan temáticas moi variadas: educación afectivo - sexual,  adiccións, consumos de sustancias nocivas para a saúde, ciberseguridade e cidadanía dixital, conflicto e mediación xuvenil, etc. Cada obradoiro está deseñado en función das idades das persoas que participan co cal a programación das sesións realízase contando coa colaboración dos departamentos responsables en cada centro para que os obradoiros se adapten ás necesidades do alumnado no momento no que se imparten. Este programa xa conta con moitas edicicións polo que todo o alumnado acaba participando en  cada temática xa que se van rotando de ano en ano.

Este ano ademais, introducimos un tema novo que é a Educación en Valores asistidos por cans de terapia en entornos educativos. Traballaremos nestas sesións valores como  a solidaridade, o traballo en equipos, o respeto  co fin de reforzar a idea de que  as diferenzas son as que nos fan únicas e especiais como un valor positivo para a integración e a tolerancia. O alumnado participará nunha xincana na que terán como aliados a UMA, TRUFA, GOOFY e ECO que son os cans e cadelas que lles amosarán ao nenos e nenas como se poden facer as cousas dun xeito diferente. 

O programa vai dirixido a alumnado de 5º e 6º de primaria e a alumnado de secundaria e bacharelato.

A primeira sesión comezou este martes 18 de decembro no IES de Soutomaior coas sesións de sexualidade impartidas para  3º da ESO  por AMAINA e este mércores terán a sesión  de educación en valores o alumnado de 1º da ESO impartidas por YRACAN, tamén no IES de Soutomaior

Desde o Concello queremos agradecer a colaboración de todos os centros educativos do municipio porque fan posible que se poida encaixar e integrar este programa dentro da labor docente  e da  programación de actividades de cada centro.

 

 

 


Publicado en Xuventude


Concellería de Xuventude
OMIX

Novas actividades de formación para a xuventude!

15-01-2019 / Xuventude

O Concello de Soutomaior abre o prazo de inscrición para participar nas actividades do primeiro trimestre do ano.  Comezamos con novas actividades formativas que teñen unha alta demanda entre o colectivo xuvenil como son o curso de carretas elevadoras que durará 16 h das cales  seis horas serán prácticas nunha empresa para que a mocidade poida ter unha toma de...