Alcaldía
Alcaldía +
O CONCELLO DE SOUTOMAIOR CONCRETA MEDIDAS PARA MELLORAR A SEGURIDADE VIARIA NO CENTRO DE ARCADE
O alcalde, Agustín Reguera, reuniuse co Xefe provincial do Servizo de Infraestruturas da Xunta, Fausto Nuñez, para concretar varias propostas.
A seguridade viaria en Arcade é unha das grandes preocupacións do goberno local de Soutomaior. Para tratar posibles solucións a este tema, o alcalde, Agustín Reguera, reuniuse esta pasada semana co xefe provincial do Servizo de Infraestruturas da Xunta, Fausto Nuñez.
O encontro tiña como obxectivo concretar a construción de varias infraestruturas que incrementen a seguridade de vehículos e peóns, como unha rotonda no cruze de Cochón, varios pasos de peóns elevados e a reforma na pasarela da Montesiña.
O primeiro tema tratado no encontro foi a instalación de catro novos pasos de peóns elevados en dous das vías principais de Arcade, Xose Solla e Calvario. Estes novos pasos de peóns pretenden reducir a velocidade do tráfico rodado en zonas especialmente sensibles como os arredores das paradas dun autobús escolar ou cruces conflitivos. En concreto instalaranse dous pasos elevados na Rúa Calvario e outros dous na Avenida Xosé Solla.
O seguinte tema a tratar na reunión co representante da Xunta era a construción dunha rotonda na intersección entre as rúas Cochón, Xosé Solla e Calvario. Unha medida que ten como obxectivo organizar o tráfico rodado de maneira eficiente e moderar a velocidade dos vehículos neste punto. A proposta foi ben recibida por Nuñez, que se comprometeu a estudala en profundidade ademais de aproveitar o encontro para concretar as actuacións necesarias por parte do Concello para facilitar a futura realización da mellora, como son a reorganización de postes, cableado eléctrico e outros servizos no contorno do cruze.
A última reivindicación que presentou o alcalde de Soutomaior foi a do arranxo e reforma da pasarela de madeira da Montesiña. Unha solicitude que xa foi presentada por escrito hai uns meses e que o rexedor local lembrou novamente. Nuñez, pola súa banda, comprometeuse a realizar un arranxo inmediato que evite a degradación da infraestrutura e unha reforma completa da mesma nun futuro próximo.
O alcalde de Soutomaior, Agustín Reguera, cualificou o encontro como “moi positivo xa que responde as solicitudes de moitos veciños ademais de reforzar as nosas actuacións nun tema de vital importancia como é a seguridade de vehículos e peóns”.
Este encontro súmase aos realizados anteriormente polo goberno local de Soutomaior en busca de melloras para a seguridade viaria, como a reunión no Ministerio de Fomento para concretar unha nova rotonda na entrada de Arcade ou o encontro coa conselleira de infraestruturas, Ethel Vázquez, para solicitar melloras viarias e financiamento para a rede de saneamento de Soutomaior.
Alcaldía
17-07-2023 / Alcaldía
O Concello de Soutomaior conclúe o proxecto de Modernización e mellora do espazo escénico e musical do Auditorio Municipal do Multiusos de Arcade financiado ao abeiro dos fondos NextGenerationEU e do Mecanismo de recuperación e resiliencia do Regulamento UE 2021/241, co apoio da Xunta de Galicia e se convocan para o ano 2023 (código de procedemento CT404E) Tras valorar o Concello de Soutomaior...
08-07-2023 / Alcaldía
O alcalde de Soutomaior, Manu Lourenzo, participou onte nunha reunión conxunta cos representantes das comunidades de montes do concello, na que tamén estivo presente a concelleira de Medio Rural e...
07-07-2023 / Alcaldía
O alcalde de Soutomaior, Manu Lourenzo, segue a manter reunións con todas as administracións implicadas para buscar solucións o antes posible á situación da fábrica da Pontesa, que ardeu o...
29-06-2023 / Alcaldía
O Concello de Soutomaior vén de solicitar unha reunión coa Dirección Xeral de Costas para tratar de atopar solucións á situación derivada do incendio producido na Pontesa o pasado 6...
14-04-2023 / Alcaldía
O alcalde de Soutomaior, Agustín Reguera, mantivo hoxe un encontro coa conselleira do Mar, Rosa Quintana, na que obtivo o compromiso da Xunta de iniciar unha acción de investigación para...
30-08-2022 / Alcaldía
Rematadas as obras de mantemento, insonorización e renovación da academia de Música da Banda Artística de Arcade, o pasado venres celebrouse a inauguración deste espazo, que luce agora moito mellor...
20-07-2022 / Alcaldía
A mochila da Luz, unha iniciativa que transporta unha luz acesa ao longo do Camiño de Santiago para homenaxear ás vítimas da pandemia, parou hoxe en Arcade. Un ano máis...
16-06-2022 / Alcaldía
O concello mantense do lado dos hostaleiros locais, que, como vén sendo habitual desde hai anos, non pagan ninguna taxa polas súas terrazas. Esta axuda, que pretende potenciar o sector da...
Alcaldía +