Posto actual 

Médico especialista en Medicina Preventiva e Saúde Pública no Hospital Lucus Augusti (EOXI Lugo, Cervo e Monforte) 

 

Focos de interese científico 

A actividade investigadora centrouse en analizar o efecto do radon sobre a saúde. 

O radon foi considerado como carcinógeno humano pola Axencia Internacional do Cancro en 1988, polo seu efecto demostrado sobre o cancro de pulmón. Con todo, a asociación con outros cancros e outras enfermidades apenas fora analizada ata a realización da presente investigación.

O radon é ubicuo e acumúlase en lugares pechados, como nas vivendas ou en lugares de traballo. A concentración depende fundamentalmente do contido en uranio 238 do subsuelo geolóxico sobre o que se asintan as vivendas. E Galicia, de feito, presenta zonas con elevada concentración de radon. 

 

Breve nota curricular 

Naceu en 1984. Licenciada en Medicina, compaxinou a súa formación en Medicina Preventiva coa realización da súa tese doutoral, cuxo título é Uso epidemiolóxico dos Mapas de Radon. O Mapa de Radon de Galicia. 

Diplomada en deseño e estatística pola Universidade Autónoma de Barcelona, tamén está en posesión do Máster en Saúde Pública e do Máster en Metodoloxía da Investigación en Ciencias da Saúde. Realizou unha estancia formativa no Centro Nacional de Epidemioloxía (Instituto de Saúde Carlos III), no área de Epidemioloxía Ambiental e Cancro. Participa como colaboradora en proxectos do plan nacional de investigación (FIS). 

Ademais, é autora de varios artigos, algún deles publicado en revistas de prestixio no campo da Epidemioloxía e Saúde Pública, como International Journal of Epidemiology e European Journal of Epidemiology. Así mesmo, realizou numerosos relatorios e publicacións en congresos nacionais e internacionais. De feito, a súa comunicación "Mapa de exposición a radon residencial nos municipios galegos"

Obtivo un dos premios ás mellores comunicacións presentadas por persoal novo no II Congreso Íbero-americano de Epidemioloxía e Saúde Pública. Tamén obtivo unha das becas que lle permitiu participar no Encontro de Excelencia da Investigación en Saúde Pública realizado en Menorca.