Roteiros e xincana medioambiental

Actividade de exploración que se realiza ao longo dun roteiro de pouco máis de 2 kms de duración (ida e volta). O punto de inicio e fin será a Ponte Medieval. No inicio entregarase un pequeno mapa topográfico, e farase unha explicación breve sobre a lectura de mapas. Coa axuda deste mapa comezaremos a exploración do entorno con “pistas” para desenvolver unha xinkana interpretativa para o recoñecemento de especies invasoras e autóctonas, a biodiversidade do río e a cultura local.

Destinatarios/as: persoas de todas as idades que queiran coñecer a natureza e explorala dun xeito lúdico e respetuoso.

Datas e horario: Domingo 12 de xullo 

• Grupo 1: 09.30 a 11.30h 
• Grupo 2: 12.00 a 14.00 h.

Materiais necesarios: roupa e calzado cómodo adaptado ás condicións climatolóxicas e máscara de protección individual.