 OBRADOIROS / Concellería de Ensino
Cápsulas Creativas
Inicio da actividade: 01-12-2020
Fin da actividade: 18-12-2020
Destinatarios/as: 6 - 18 anos
Prazas: min 5 - max 9 / Grupo
Acceso: De pago
Lugar da actividade: On-line
desde 27-11-2020
|
DESCRICIÓN
Estas actividades estarán adaptadas ás idades das persoas participantes. Os materiais que usemos nas actividades 3R fundamentalmente serán con cousas de reutilicemos para darlle unha segunda vida e reciclar. Se alguén ten algunha intolerancia alimentaria ou algunha diversidade funcional, por favor, que o indique no apartado correspondente do formulario para que poidamos poñernos en contacto con vós e atendela.
3R XOGA - FUTBOLÍN E LABIRINTO (6-8 anos) (9-11 anos)
Breve descrición: nesta actividade construiremos dous xogos empregando unha caixa de zapatos, paus de pincho moruno, pinturas para diferenciar os equipos, unha bola e ganas de pasalo ben. Cando teñamos o futbolín construiremos un labirinto de dificultades variadas para superar o reto e ir engadindo e quitando obstáculos de maneira moi doada.
COCIÑA- BOLACHAS DE MANTEIGA (6-8 anos) (9-11 anos)
Breve descrición: introducirémonos no mundo da repostería dunha maneira doce e divertida cunha receita sinxeliña pero que conquistará os nosos padais. Os ingredientes principais serán fariña e ganas de amasar. Adaptaremos a actividade e os ingredientes ás intolerancias alimentarias que marquedes na inscrición.
3R AGASALLA - ESTAMPACIÓN ECOLÓXICA (6-8 anos)
Breve descrición: practicando en papel antes de levar a nosa obra á tela, faremos diferentes deseños de debuxos feitos cos dedos ou palmas da mans.
3R AGASALLA - TESTOS CON FORMAS TRIBAIS (9-11 anos)
Breve descrición: mediante a reutilización de botellas de plástico crearemos macetas divertidas con diferentes cores e materiais. Cortaremos o recipiente para adaptalo á forma que desexemos e decorarémolo pintando caras ou animais.
COCIÑA - BROWNIE E TRUFA DE DÁTIL (9-11 anos)
Breve descrición: nesta actividade faremos dúas propostas. Un brownie porque se che gusta moito o chocolate, esta receita é a túa pois daremos un biscoito de cacao para rechupetear os dedos e tamén faremos trufas de dátiles que son uns doces sinxelos e moi saudables. Todos os aportes nutricionais imprescindibles nun petisco delicioso. Adaptaremos a actividade e os ingredientes ás intolerancias alimentarias que marquedes na inscrición.
3R XOGA - XOGO ARTÍSTICO CON LETTERING (12-14 anos) (15-18 anos)
Breve descrición: lettering é o arte de debuxar letras, pensar nelas como formas, non como letras. Tratase dunha actividade que resulta moi divertida e onde lograremos resultados espectaculares, para posteriores deseños para realización de carteis, slogans, mensaxes en vidro, etc, etc.
3R AGASALLA - FUNDA DE MÓBIL CÓMIC (12-14 anos) (15-18 anos)
Breve descrición: actividade na que realizaremos unha funda de móbil para poder ter organizado cable e teléfono mentres realizamos a carga do mesmo, na que o material a empregar vai ser papel de cómic, de xornal, de agasallo…..en definitiva, de moitas cores.
COMO VAI A FUNCIONAR CADA ACTIVIDADE?
A conexión realizarase mediante a web: https://meet.jit.si/
Simplemente con poñer este enlace en calquera buscador xa podedes entrar (non é necesario descargar nada). Podedes facelo desde o móbil ou desde o ordenador. Necesitades ter cámara e micro.
Crearemos unha sala específica para cada actividade cuxo enlace vos daremos nos días previos ó inicio para que poidades conectarvos no día e hora sinalado. Tamén vos enviaremos por whatsAPP o listado de material que precisades ter preparado para a actividade (serán cousas sinxelas e fáciles de conseguir).
| Grupos por Idade: GRUPO A: 6 - 8 anos / GRUPO B: 9 - 11 anos / GRUPO C: 12 - 14 anos / GRUPO D: 15 - 18 anos Modo de pago: Non reporta pago
|
|
