OBRADOIROS / Concellería de Ensino  

Paper cinético: Zootropo xigante (2 h)

Inicio da actividade: 11-12-2021
Fin da actividade: 11-12-2021
Dias da actividade: Sábado 11 de decembro
Horarios: de 11:00 a 13:00 h
Destinatarios/as: 6 - e máis anos
Prazas: 20 prazas
Acceso: De pago
Lugar da actividade: Multiusos, Arcade
 
DESCRICIÓN

Cos obradoiros "Paper cinético: do papel ao cinema" imos reflexionar sobre o “papel” do papel no cinema; explorando as infinitas posibilidades deste formato que permite transformar, entre outras cousas, a bidimensionalidade dunha folla de papel nun obxecto tridimensional en movemento. Ademais pode transmitir movemento, combinación perfecta!

Neste contexto, nacen os obradoiros que durante o mes de decembro imos desenvolver no Multiúsos en Arcade (Soutomaior). Para isto contamos con Belén Veleiro que logo dunha longa traxectoria ensinando cine e un amor inexplicable polo papel, deseña estes obradoiros para experimentar dun xeito moi práctico, divertido e ameno as caixas de cartón e as súas posibilidades. 

Breve descrición do obradoiro: ZOOTROPO XIGANTE

Unha viaxe aos inicios da imaxe en movemento. Descubrimos como funciona o cine a través da construcción de xoguetes ópticos: flipbook, taumatropo e zootropo.

O zootropo foi un xoguete moi popular na súa época e un dos avances para a aparición do cine. Zoo significa vivo, activo, e o que conseguimos con este aparello xigante é darlle vida a obxectos inmóbiles. Na construcción deste aparello traballaremos tamén os rotorelieves de Duchamp. Unha experiencia espectacular!
 
Obxectivos:
– Comprender a natureza da imaxe en movemento e a ilusión óptica.
– Descubrir as posibilidades do cine como xogo de maxía
– Crear a nosa propia película ou os nosos gifs analóxicos!
– Queremos facer o zootropo máis grande do mundo
 
Dirixido a todas as idades a partir dos 6 anos.  Os menores de 10 anos deben asistir acompañados/as. A participación pode ser en familia.
 
Número de prazas: 20 persoas

Ampliación do prazo ata o venres 3 ás 13:00 h

Modo de pago: Non reporta pago   

 

Inscrición en LIÑA

 


Accesos : 245