O río Verdugo ao seu paso por Ponte Caldelas ten un dos seus pasos estragados e arrincados
O río Verdugo ao seu paso por Ponte Caldelas ten un dos seus pasos estragados e arrincados
O río Verdugo, que vai polo concello de Ponte Caldelas, ten un dos seus pasos, para acceder a outra beira, estragados e arrincados. Os veciños cren que se debe a que taparon unha poza para colocar un gasoduto e cando o río vai cheo a forza da agua move os pasos. Este é un dos pasos que hai no río Verdugo para acceder á outra beira no concello pontevedrés de Ponte Caldelas. Máis da metade delas xa non están, algunhas romperon, outras están estragadas e outras desprazáronse uns metros. Os veciños manifestan que isto é debido a que para colocar un gasoduto taparon unha poza uns metros máis arriba e cando o río baixa cheo move os pasos. Os veciños manifestan que este é o único paso que hai para poder acceder á outra beira do río dende Ponte Caldelas ata Soutomaior. Os outros dous están a máis de cinco quilómetros, un cara a arriba e o outro pasado Soutomaior. Os veciños manifestan que estes pasos teñen máis de 300 anos e que a forza da auga nunca foi capaz de movelos. Por este lugar tamén hai unha calzada pola que atravesaban os carros dos animais cando o río ía con pouco caudal.
Feijóo di que este foi o mellor inicio de curso dos últimos anos en primaria
Feijóo di que este foi o mellor inicio de curso dos últimos anos en primaria
Case 150.000 alumnos de secundaria volveron hoxe ao instituto "nun dos mellores inicios de curso dos últimos anos", ao dicir do presidente da Xunta. Alberto Núñez Feijóo acompañou neste primeiro día de clase os alumnos da ESO e bacharelato do concello pontevedrés de Soutomaior.
Agustín Reguera, considerou o día de onte como un feito
Agustín Reguera, considerou o día de onte como un feito "histórico"
O presidente da Xunta, Núñez Feijóo, abriu o curso de ESO e Bacharelato no novo centro de Soutomaior, un dos poucos municipio galegos que crece en poboación. O alcalde, Agustín Reguera, falou dun día "histórico" para o Concello. O seu director, Modesto Campos, salientou "o reto" de poñelo en marcha e a implicación do profesorado. O curso 2018-19 comezou onte con grandes novidades no mapa educativo de Soutomaior. Tras a chegada dos alumnos de infantil ao CEIP Padin Truiteiro a semana pasada, hoxe o novo instituto público foi o escenario escollido para o inicio oficial do novo curso escolar de ESO e Bacharelato en Galicia. O acto contou coa presenza do presidente da Xunta, Alberto Nuñez Feijoo, o conselleiro de Educación, Román Rodríguez, e o alcalde de Soutomaior, Agustín Reguera, entre outros responsables da administración local e autonómica. Coñecedor do esforzo que supuxo facer realidade o novo centro, o alcalde Agustín Reguera afirmou que esta inauguración é algo "moi especial" para o Concello, xa que "transforma a estrutura educativa de Soutomaior". E amosouse moi satisfeito de que por primeira vez os alumnos de Bacharelato non teñan que desprazarse fór...
Para o director  a relación entre o profesorado e o alumnado é
Para o director a relación entre o profesorado e o alumnado é "fundamental
O director do IES Soutomaior salientou a implicación dos 32 mestres do centro na tarefa que teñen por diante, a de educar a eses rapaces, "todo un reto e unha responsabilidade" segundo Modesto Campo. Para o director a a relación entre o profesorado e o alumnado é "fundamental", unha relación na que ambas partes aprenden. Campos amosouse satisfeito de ter superado o obxectivo de poñer en marcha o novo instituto, e poder comezar onte as clases. Un traballo duro no que se implicaron administracións e traballadores. Campos agradeceu o esforzo do profesorado e do equipo directivo, "que quedou sen vacacións para poñer o IES en marcha", así como do Concello e a Consellería de Educación. Non foi unha tarefa doada, e tamén houbo aspectos negativos no proceso. Modesto Campos lamentou a falta "dunha guía" para a dirección do centro nunha tarefa tan complexa.
Este novo centro vén a cubrir
Este novo centro vén a cubrir "unha débeda con Soutomaior"
Pola súa banda, o presidente da Xunta de Galicia, Alberto Nuñez Feijoo, falou da importancia desta inauguración, xa que se trata "do primeiro instituto na historia de Soutomaior ". Este curso comezaron no centro máis de 300 alumnos, pero as instalacións teñen capacidade para ata 480 rapaces. Unha boa nova para este municipio, dixo, xa que "investir en educación é investir en futuro". Este novo centro vén a cubrir "unha débeda con Soutomaior", segundo Feijóo, xa que xunto a remodelación do CEIP Padín Truiteiro, permite completar o ciclo formativo dos rapaces no municipio desde os 3 ata os 18 anos de idade. Unha obra que é realidade grazas á colaboración entre a Xunta de Galicia e o Concello, e que evita que os alumnos de Bacharelato teñan que desprazarse a Redondela ou Pontevedra para realizar os seus estudos. O presidente galego reivindicou en Soutomaior que unha Galicia mellor se constrúe cunha educación pública "con máis linguas, con máis tecnoloxía, con máis materias científicas e con mellores salarios para os docentes". Feijóo aseverou que con todos estes avances se conseguirá consolidar todo o que se logrou nestes últimos anos: unha Galicia co menor...
Todo preparado para o XV descenso de Carrilanas en Soutomaior
Todo preparado para o XV descenso de Carrilanas en Soutomaior
Este domingo día 2 de setembro a partir das 17,00 horas celebrarase en Arcade a XV edición da Baixada de Carrilanas. Está organizada pola asociación veciñal e cultural Pozo Vello e co patrocinio do Concello de Soutomaior. O novo circuíto será a novidade mais relevante desta XV edición, xa que a competición desprázase desde o lugar habitual (zona da Montesiña) para recolocarse na zona de Arcade de Riba, onde un circuíto mais longo e técnico poñerá a proba a pericia dos participantes. Os organizadores representados por Álvaro Vergara, Daniel Álvarez e Vanesa Peón esperan unha gran participación de carrilanas de toda Galicia así como unha gran afluencia de público. Daniel Álvarez presidente da asociación veciñal e cultural Pozo Vello coméntanos como vai ser esta XV edicición así como o circuito que por segundo ano consecutivo será zona de Arcade de Riba,
Demandamos un Sanidade Pública en condicións para Soutomaior
Demandamos un Sanidade Pública en condicións para Soutomaior
Iago Treus forma parte do movemento social veciñal que demandan unha sanidade pública e de calidade para Soutomaior, a iniciativa nace dos propios veciños da Vila encabezado polo propio Iago que farto de ver como está a Seguridade Social na vila na que reside, Soutomaior, decidiron tomar o empuxe e organizar unha primeira charla informativa que tivo lugar a semana pasada no multiusos de Arcade o cal asistiron membros da plataforma SOS Sanidade Pública. O propio Treus cualificou como de "suma importancia" a segunda das actividades que tendera lugar na alameda de Talo Río o vindeiro 2 de setembro ás 12 da mañá. O cal pide a todos os veciños e veciñas da Vila que acudan ao acto o cal varios membros da política veciñal e provincial confirmaron a súa presenza. Para Iago non é admisible que Soutomaior sufra os recortes sanitarios que está a padecer de aí que anime a todos os veciños e veciñas o vindeiro 2 de setembro para que nun acto de unión se lles facilite o que por lei é obrigatorio.
O concello de Soutomaior celebrou a V Festa da Familia
O concello de Soutomaior celebrou a V Festa da Familia
O Concello de Soutomaior celebrou a “V Festa da Familia” no Peirao de Arcade o evento celebrouse con distintas atraccións inchables, espectáculo de pompas de xabón xigantes e moitas máis actividades para nenos dende 1 a14 anos. Unha tarde na que non faltou a clásica festa da escuma para nenos e maiores, castelos inchables, atraccións mecánicas e acuáticas ademais de moita música. A festa deu comezo sobre as 17:00 horas na chaira do Peirao de Arcade centos de familias comezaron a chegar sobre a hora de inicio, malia que o día non foi o esperado na meteoroloxía os máis cativos atrevéronse a gozar das atracción incluídas as de auga. Sobre as seis e media da tarde a choiva fixo que a festa tivera que ser suspendida, unha mágoa para as familias alí presentes, por quinto ano consecutivo o Concello foi que de reunir ás familias da Vila para celebrar o 5º encontro "Festa da Familia"
O Concello de Soutomaior acollerá O Curso de Monitor de Fútbol Base
O Concello de Soutomaior acollerá O Curso de Monitor de Fútbol Base
O Concello de Soutomaior acollerá por primeira vez o curso de Monitor de Fútbol base organizado pola Federación Galega. O alcalde, Agustín Reguera, presentou onte a convocatoria acompañado de Amancio Varela responsable de comunicación da FGF do director da Escola de adestradores, Manuel Mosquera, e os presidentes dos clubs de fútbol do municipio, C.D. Arcade e C.D. Soutomaior. O curso de Monitor de Fútbol base ten unha carga lectiva de 65 horas que se realizarán de maneira intensiva durante as dúas primeiras semanas do mes de setembro. Entre as materias que se cursarán están cuestións técnicas como a organización de sesións de adestramento, regulamentación, fisioloxía e nutrición dos xogadores, e outras dirixidas á formación persoal dos mozos deportistas como psicoloxía deportiva, liderado e ética deportiva. A inscrición débese realizar a través do portal da federación galega de fútbol, www.futgal.es, na sección de “ adestradores/ escola”. O prazo para realizar a inscrición xa está aberto e terminará o 27 de agosto. O ciclo ten un custo de 150 euros, aínda que o Concello de Soutomaior financiará unha parte do curso aos participantes empadr...
Pleno ordinario pertencente ao mes de xullo
Pleno ordinario pertencente ao mes de xullo
O concello de Soutomaior celebrou a semana pasada o pleno ordinario pertencente ao mes de xullo, nel abordáronse diversos temas como as subvencións as entidades deportivas locais, melloras das necisidades veciñais ou a modificación da lei de portos de Galicia entre outros puntos
A referencia do fútbol feminino está en Soutomaior (final)
A referencia do fútbol feminino está en Soutomaior (final)
Falar de fútbol feminino en Soutomaior é falar de unidade, compañeirismo pero sobre todo de esforzo, tal que esta tempada 17/18 so mentes chego a perder un partido, gañando os restantes moi comodamente. O Arcadia de fútbol feminino naceu hai catro anos, tras abandonar as xogadoras o antigo club no que militaban o C.D. Choco despois de non chegar a un entendemento coa súa directiva. Malia que a gran maioría das xogadoras comezaron xogando a fútbol sala, a día de hoxe son un dos referentes na vila de Soutomaior xa que na súa totalidade as integrantes do equipo adestran e xogan ao fútbol. Paco Iglesias delegado do equipo leva dende os comezos, dende a súa fundación como equipo de fútbol sala, e a día de hoxe segue integrado coa mesma ilusión que as xogadoras, de aí o éxito rotundo desta plantilla a "ilusión". Na vindeira tempada darán o salto a xogar na primeira división galega, o que significa que o seu esforzo será aínda maior. Dende tv Soutomaior felicitamos a todas as xogadoras así como á súa directiva polo logro cosechado neste derradeiros anos, e do mesmo xeito desexámoslles unha nova tempada de éxitos e sobre todo o que as define, compañeirismo...
"Gustaríame repetir esta oportunidade en anos vindeiros "
Un ano máis o Concello de Soutomaior convocou o proxecto DESEÑANDO O TEU FUTURO dirixido a mozos e mozas de idades comprendidas entre os 14 e 18 anos. Trátase dun programa de aproximación da mocidade galega ao ámbito socio laboral mediante o desenvolvemento de estadías–visitas en distintos sectores das empresas/entidades públicas e privadas, facilitando, deste xeito, unha experiencia que lle permita decidir a súa traxectoria formativa profesional. Participaron neste proxecto 15 mozos e mozas do municipio. Na primeira fase do proxecto participaron como grupo en actividades complementarias e visitas a empresas de diversa índole. Empresas públicas e privada que achegaron o seu día a día a este grupo de mozos e mozas mediante charlas, mesas redondas, actividades participativas, visitas, etc. Neste terceiro ano de proxecto o concello de Soutomaior foi o único implicado xa que dende a propia Xunta de Galicia ata o de agora non houbo convocatoria. A frase máis soada entre os participantes foi a de "gustaríame repetir esta oportunidade en anos vindeiros " xa que consideras que é unha oportunidade única.