Category Image  OBRADOIROS / Concellería de Educación 
19-Roteiro-Recunchos-Máxicos.jpg
Roteiro: Recunchos Máxicos  (4 h)

 

CANCELADO POR CHOIVA
Do: 20-10-2019 ó: 20-10-2019
Inscricións ata: Xoves, 17. Outubro 2019
Horarios: 10:00 - 14:00 h
Destinatarios: Todas as idades - e máis anos
Menores: Menores acompañados
Prazas: 12 mínimas e 20 máximo
Entrada: De balde
Lugar da actividade: Salinas do Ulló

DESCRICIÓN

Este roteiro forma parte do programa municipal “Roteiros medioambientais GUIADOS: coñece o teu Concello e arredores" 2019  que organiza o Concello de Soutomaior a través da Concellería de Educación (Soutomaior). Os obxectivos do programa  son coñecer os valores medio ambientais do noso Concello e tamén do noso entorno máis próximo, promover o senderismo como medio para estar en forma e aprender un pouco máis sobre a natureza e patrimonio que nos rodea para educar en valores de respecto e coidado á natureza.

BREVE DESCRICIÓN
Este roteiro aposta polo valor do entorno medioambiental, cultural e etnográfico da Enseada de San Simón dende a Carballeira do Peirao en Arcade ata o entorno das Salinas do Ulló; durante o percorrido observaremos e aprenderemos a diferenciar os diferentes tipos de aves (segundo hábitat, voo, tamaño e forma, número,...) e diferentes entornos: urbano/semiurbano, praia, zona asfaltada, sendeiros, pistas, bosques alóctonos e autóctonos, e zonas de marisma. A guía dará unhas nocións mínimas que nos axudarán a comprender o comportamento das especies de aves do entorno, en plena época migratoria e outras moitas curiosidades sobre medio ambiente e ecoloxía.

CARACTERÍSTICAS 
11 kms; dificultade baixa, desnivel baixo, circular (con tramos comúns no retorno), camiñando 1km pola estrada nacional, na zona da antiga fábrica da Pontesa. A ruta será realizado en grupo, altamente participativa, dándolle un enfoque de coloquio. Nas paradas máis técnicas que serán 7 fomentarase a participación (empregaranse láminas, prismáticos e/ou telescopio, plumas de aves e algunha foto históricas). 

  • TEMPO ESTIMADO: 4 h.
  • IDADES: todas. Ter en conta a tipoloxía da actividade.
  • PRAZAS: 12 mínimas e 20 máximo
  • INICIO: Carballeira de Arcade, na praia do Peirao. Coordenadas:42°20'26.5"N 8°36'49.8"W // 42.340703, -8.613845 
  • CUSTE: de balde.
  • INSCRICIÓNS OBRIGATORIA: DESDE 9 ATA 17 DE OUTUBRO EN LIÑA  a través da web: https://www.gabinetesoutomaior.com/index.php/inscricions-menu/inscricions-en-lina

Material recomendado para realizar a actividade:

  • Calzado para camiñar. Moi recomendable con protección á auga no caso de realizar roteiros por zonas de auga ou se chove.
  • Roupa axeitada ao día: chuvasqueiro (se chove ou fai vento); pantalón cómodo, camiseta térmica (se fai frío), roupa de baño si fai calor, etc.
  • É recomendable levar gorro ou viseira e crema solar si fai bo tempo.
  • É recomendable levar unha pequena mochila con auga para a camiñata, comida ou outras cousas que se consideren necesarias tendo en conta cada roteiro.
  • Prismáticos e/ou telescopio si se teñen.
  • IMPORTANTE: Recordamos que os/as guías son titulados/as e a actividade realizarase baixo unha póliza de R. Civil e accidentes derivados da organización do evento pero non dos accidentes provocados por outros motivos. Si se produce algún cambio na organización comunicarémolo o antes posible a cada participante.

Máis información na OMIX no teléfono 986 700 822 ou en Este enderezo de correo está a ser protexido dos robots de correo lixo. Precisa activar o JavaScript para velo.

 


 

Inscrición en LIÑA

Accesos : 285