Sábado 23 de xuño - Peirao de Arcade
Arcade vivirá unha “invasión pirata” durante a noite de San Xoan .
A compañía Troula animará a velada co seu espectáculo de lume e pirotécnia antes do encendido da fogueira no Peirao de Arcade
O lume, como non podía ser doutra maneira, será o elemento estrela da noite de San Xoan no Concello de Soutomaior.
Ademais da tradicional fogueira municipal instalada no Peirao de Arcade, a festa contará coa animación visual da compañía Troula Animación, que “invadirá” Soutomaior co seu espectáculo itinerante “A invasión Pirata”.
A celebración dará comezo ao redor das 22:30 horas cun espectáculo itinerante, no cal un grupo de piratas percorrerán o paseo marítimo desde a Praia de Matilde ata o Peirao , parándose en zonas determinadas, nunha explosión de ritmo, pirotecnia, lume, confeti, risas e participación do público
A medianoite levará a cabo o encendido da fogueira ao que acompañará o tradicional espectáculo pirotécnico e seguirá o arranque da verbena nocturna, que contará coa animación do grupo América.
Non faltarán os clásicos postos de venda de sardiñas e churrasco.
AXENDA MUNICIPAL
 |
EVENTOS Concellería de Cultura |