Campo de San Benito-Romariz (Soutomaior) – Martes 14 de Agosto ás 21,00 h.
A Roda conmemora 40 anos promovendo a música galega e en galego A formación A Roda naceu no ano 1977 dun grupo de amigos que se xuntaba ao redor dunha mesa, facendo a roda que lles dá nome. O primeiro traballo, homónimo, A Roda converteuse nun superventas e é aínda hoxe un dos clásicos da música galega; con el gañaron o favor do público e conseguiron o Premio da Crítica Galega.
A partir deste momento, centos de concertos, tanto en Galicia como fóra, nomeadamente na emigración, numerosos premios e dezasete discos máis avalan a traxectoria dun dos grupos en activo máis comprometidos coa lingua galega.