O domingo día 2 de decembro a partir das 12,30 h. no Multiusos de Arcade celebrarase a Festividade de Santa Cecilia cun concerto.
O concerto servirá para dar unha pequena homenaxe a todos os que dalgunha maneira contribuíron a que a Banda de Música Artística de Arcade poida estar a celebrar neste momento os seus 150 anos de vida.
A Banda de Arcade convidou a que toquen con eles no concerto a todos os músicos que pasaron pola súa formación.