Este sábado 7 de agosto ás 21 h no Campo de San Benito de Romariz poderemos gozar deste espectáculo de rúa. Áxil, participativo e cheo de humor. Un berro cheo de enerxía…GHOP! un berro cheo de ímpeto para un espectáculo coa estética clásica dos circos ambulantes que percorre as prazas dos pobos e aldeas. Os tres protagonistas vestidos e caracterizados para a ocasión, aderezan con malabares, monicreques, acrobacias e pinceladas de maxia, o show de variedades que esta compañía itinerante ofrece a un público desexoso de divertirse e participar. A cargo da compañía Teatro Ó Cubo que sae á rúa e completa o seu repertorio teatral para toda a familia. As prazas completaranse por orde de chegada.
Xoves, 05 Agosto 2021 13:11