Terá lugar os días sábado 11 e domingo 12 de setembro en varios emprazamentos do municipio. Esta é unha nova proposta de Cultura nun formato festival adicado ao mundo das artes circenses polo que o Concello de Soutomaior aposta co fin de promover nesta primeira edición un formato novidosol que se vaia consolidando na oferta cultural do municipio e do Camiño.Unha proposta incluída dentro do programa cultural "Pasiño a Pasiño, Soutomaior no Camiño" financiada pola Xunta de Galicia coa que ofrecemos novas propostas culturais dirixidas a todos os públicos e por suposto, tamén a toda aquelas persoas que facendo o Camiño pasan polo municipio ofrecéndolles así alicientes para parar e quedar a coñecelo e disfrutalo.
No programa de actividades sempre a pé de rúa mestúranse varias disciplinas nas que participan compañías galegas e de fóra para que quede reflectida a interculturalidade do Camiño onde non importa o lugar de onde ves senón que o importante é o que fas nese lugar, nesa parte do Camiño na que te atopas con outras persoas. Un festival que mestura humor, ilusión, cultura e diversión.
Agás no obradoiro no que haberá que inscribirse previamente EN LIÑA ata o 8 de setembro, nos espectáculos cubrirase o aforo ata completarse. Todas as actividades serán de balde.
PROGRAMA
SÁBADO 11 de setembro no Peirao de Arcade
18.30 h - 19.30 h Obradoiro de circo con varias estacións: malabares, aéreos e equilibrios
Inscricións en liña: ata 8 de setembro
Data, hora e lugar:sábado 11 de setembro ás 18.30 h no Peirao de Arcade
Idade:a partir de 6 anos todas as idades.
Prazas: 30. Tres grupos de 10 persoas
Duración: 1 h
Imparte: KambaiotaTroup.
19.30 h - 20.30 h Crunch!
Espectáculo de novo circo clown, malabares... para todos os públicos.
20.30 h - 21.30 h Kambahiota con La Coquette (Madrid)
Espectáculo de circo e aéreos para todos os públicos.
DOMINGO 12 de setembro en Talo Río
13.00- 14.00 h PattyDiphusa con Superharte.
Espectáculo de circo e clown
Obradoiro de circo
Durante a actividade as persoas asistentes aprenderán nocións básicas sobre distintas técnicas de circo como malabares, equilibrio e aéreos.
Neste obradoiro de iniciación a través do xogo achegarémonos a estas técnicas de circo divertíndonos, aprendendo a coñecer mellor as nosas posibilidades e cualidades físicas traballando a confianza en nós mesmos/as.
Dividiremos o gran grupo en tres pequenos grupos para poder pasar por cada unha das estacións circenses e así todos e todas poderemos probar cada unha das técnicas.
Para participar soamente se precisa roupa cómoda.
Data, hora e lugar:sábado 11 de setembro ás 18.30 h no Peirao de Arcade
Idade:a partir de 6 anos todas as idades.
Prazas:30. Tres grupos de 10 persoas
Duración:1 h
Imparte: KambaiotaTroup.
Kanbahiota significa "voltereta" en brasileiro, e iso mesmo é o que vén facendo esta compañía de Madrid desde o 2002. O circo, o teatro, a música, a danza son as ferramentas que usan para realizar os espectáculos.
Inscricións en liña en: Inscricións en LIÑA (gabinetesoutomaior.com)
Espectáculo Crunch!
Onde están cando se lles necesita? É unha pregunta que adoitamos facernos sobre as nosas amizades, a clase política, a familia... algunha vez eles fallan, pero os superheroes sempre estarán alí para coidarte. Dous superheroes que están dispostos a todo para axudar, aínda que as cousas non saian sempre como queren. Os seus problemas son os teus problemas, coa crise, a conciliación laboral e familiar faise difícil incluso para eles. No fondo todas as persoas somos superheroes.
Crunch! é un espectáculo de novo circo, de vellos amigos, de clown, de malabares diarios para chegar a fin de mes, de saltos mortais, de golpes e caídas coas que aprendemos e saímos adiante, e sobre todo de risas, que é o máis necesario. Ti non os ves, pero eles estante mirando.
Espectáculo Kanbahiota con La Coquette(Madrid)
Espectáculo moi interesante de aéreos con RossinaCastelli e Abraham Pavón como protagonistas, que achegan unha proposta de acrobacias aéreas con impresionantes rutinas de trapecio, escada e aro. Todo isto sen esquecer o humor e o clown, que acompañan a espectacularidade dos números da troupe de Kanbahiota. Un espectáculo de acrobacias aéreas para toda a familia realmente orixinal e novidoso; cunha coidada estética na posta en escena, Kanbahiota volven anovar o panorama dos aéreos en España despois do seu traballo en Francia e Bélxica na creación dos números de La Coquette. Rutinas elegantes, espectaculares e divertidas cunha presentación moi novidosa.
Espectáculo PattyDiphusa con Superharte.
PattyDiphusa é unha Hartista, con h maiúscula. E ven a traernos un pouco de Harte, e moito de Hamor. Durante 50 minutos esta pequena gran Hartista intenta, literalmente, chegar ao máis alto, utilizando para iso todas as habilidades ao seu alcance; bailando, trepando, inchando globos e incluso meténdose dentro deles!! Armada cun humor moi pícaro e moitas ganas de pasalo ben, Patty está disposta a conquistar os corazóns do público. Será moi interactivo polo que será unha xornada de peche interesante que deixará un bo sabor de boca do festival.