O Concello de Soutomaior abre o prazo de inscricións para participar no percorrido en Tren que se levará a cabo durante a Cabalgata de Reis na tarde do mércores 5 de xaneiro, Especial Noite de Reis.
Pola mañá do mércores 5 de xaneiro ás 12.00h as súas Maxestades chegarán á Casa do Concello e iniciarán o percorrido visitando as parroquias de Soutomaior.
Xa, pola tarde, ás 17 h as súas maxestades desfilarán desde a rúa do Calvario ata a Alameda Talo Río en Arcade, acompañados por unha Comitiva Real da que ti tamén poderás formar parte. Poderás acompañar ás súas Maxestades no TREN durante o percorrido ata Talo Río. As prazas serán limitadas e polo tanto, para participar haberá que inscribirse previamente EN LIÑA na web: Inscricións en LIÑA (gabinetesoutomaior.com) ata o domingo 12 de decembro. As prazas estarán limitadas a 40. No caso de haber máis solicitudes que prazas ofertadas farase un sorteo públicamente o venres 17 de decembro pola tarde no Multiúsos.
Para participar no paseo en tren haberá varias opcións:
Opción 1: Acompaña aos Reis Magos durante o pasarrúas.
Opción 2: Paseo en tren polos arredores de Talo Río.
Si escolles a opción "Desexo acompañar aos Reis Magos durante o pasarrúas" debes ter entre 5 e 11 anos (preferentemente persoas empadroadas no Concello de Soutomaior). O sorteo de prazas farase en directo o venres 17 de decembro no Multiúsos, cando remate a entrega de premios do Concurso de Postais e Felicitacións de Nadal.
Si escolles a opción “Desexo pasear en tren polos arredores de Talo Río cando xa estén na Alameda” poderás gozar dun pequeno paseo en tren para todas as idades (menores de 8 anos acompañados/as). Neste caso, poderás inscribirte previamente EN LIÑA ou senón inscribirte directamente alí se hai prazas. A orde a seguir será a de inscrición en liña e logo inscrición no mesmo día no lugar da actividade.
A Cabalgata durante o desfile da Comitiva Real irá acompañada doutras animacións e ambitacións con moitas sorpresas polo que vos convidamos a non perdervos unha tarde - noite tan especial na que recibiremos con moita ilusión, a tan agardada visita de Melchor, Gaspar e Baltasar, ao municipio de Soutomaior.