‘Soutono’, a gran festa gastronómica de Soutomaior na que haberá chocolate e castañas gratis

Luns, 21 Novembro 2022 12:39

‘Soutono’, a gran festa gastronómica de Soutomaior na que haberá chocolate e castañas gratis

Tamaño da letra disminuir el tamaño da letra aumentar tamaño de la fuente
Imprimir
Email

O Concello de Soutomaior celebra o próximo día 26, ‘Soutono’, un gran evento que encherá a Alameda de Talo Río e que busca promocionar e potenciar os produtos gastronómicos elaborados en Soutomaior, así como as D.O e os produtos de tempada e proximidade.

Para iso, preparouse unha programación que fará as delicias dos amantes da gastronomía. Durante todo o día iranse alternando as catas, os espectáculos musicais e os showcookings, que deixarán satisfeitos aos visitantes de todas as idades, xa sexan foodies experimentados ou pequenos con moito por descubrir.

Máis aló das iniciativas programadas, os asistentes poderán achegarse aos distintos stands nos que poderán degustar as delicias da nosa terra. Desde os queixos Denominación de Orixe, ata os afamados viños producidos en Soutomaior, ou as delicias que nos proporciona o porco celta. Queremos que todos/as gocen dos mellores produtos galegos de calidade, especialmente os de Indicación Xeográfica Protexida.

O propio alcalde de Soutomaior, Agustín Reguera, asegurou esta mañá durante a presentación do evento que “Soutono é unha gran oportunidade para os nosos comerciantes e produtores locais, pero non hai dúbida de que tamén o é para todos os amantes do bo comer que queiran descubrir os fantásticos produtos deste concello”.

Neste sentido, o evento pretende ser un punto de encontro para familias e amantes da gastronomía. Un lugar no que descubrir novos sabores e deleitarse cos xa coñecidos. Desta forma, o Concello de Soutomaior quere dar un empuxón aos produtos que se elaboran no Concello e que en ocasións non contan con todo o recoñecemento que se merecen.

Soutono arrincará ás 11.30 H da mañá e estará aberto ao público ata as 22.30 horas. Entre medias, os asistentes poderán gozar de catas dos viños de Soutomaior; a actuación musical de ‘Armámola Boa’; unha masterclass de elaboración de pizzas con produtos de tempada; un espectáculo musical da man de ‘Marifaltri’ e ‘Ultrasónicos Band’; e un showcooking de Porco Celta impartido polo cociñeiro Cristian Ramos. Ademais, o Concello ofrecerá unha chocolatada completamente gratuíta a media tarde e ás 20.00 horas arrincará un gran magosto no que as castañas tamén serán gratuítas.

En caso de choiva, colocarase unha carpa para que todo o mundo poida gozar deste gran Soutono independentemente das condicións climáticas.

Esta iniciativa é posible grazas á colaboración da Consellería de Medio Rural da Xunta de Galicia.

Cartel Cartel

Publicado en Cultura

Visto 180 veces

Cultura

Xa está aquí a programación da XXXV Festa da Ostra

21-03-2023 / Festa da Ostra

Como sabedes, a Festa da Ostra terá lugar os próximos días 31, 1 e 2 de abril. Tal e como se explicou na presentación oficial, que tivo lugar o pasado venres e á que acudiron varios hostaleiros locais, este ano organizouse unha gran festa que estará animada polas orquestras París de Noia, Olympus e Assia. Ademais, as charangas e Bandas de...

Presentada a XXXV Festa da Ostra

17-03-2023 / Festa da Ostra

Hoxe presentamos a XXXV Festa da Ostra. Nesta edición queremos levar a Festa ao seguinte nivel. O ano pasado foi un ano de transición despois da pandemia e, agora si...

Sara Obelleiro expón: BALEIRO

15-03-2023 / Cultura

A nosa veciña Sara Obelleiro será a primeira en expoñer o seu traballo grazas ao programa Artellando, que busca poñer en valor o traballo dos nosos artistas locais. Facédelle caso e...

Multitudinario "Enterro da Ostra"

06-03-2023 / Cultura

Este ano recuperouse esta tradición grazas á organización das comparsas do Concello e ao apoio institucional. A procesión foi seguida por centenas de persoas que acompañaron á Ostra ata o...

Así quedou a antiga Escola de Moreira

15-02-2023 / Cultura

O cambio radical é digno de un programa de reformas da tele! Este espazo que xa está rematado, a falta de ser amoblado debidamente, será o epicentro de moitas actividades...

Despedimos o ano co Concerto de Panxoliñas da Polifónica

09-01-2023 / Cultura

A Coral Polifónica de Soutomaior ofreceu onte un concerto de Panxoliñas na Igrexa de S. Salvador de Soutomaior. Ao espectáculo acudiron, ademais dos fieis que se encontraban na igrexa, outros...

Gran acollida dos Reis Magos en Soutomaior

09-01-2023 / Cultura

Unha comitiva liderada polo Club @600 Arcade pasou esta mañá polos barrios de Soutomaior para que todos os nenos e nenas puidesen coñecer aos Reis de Oriente en persoa. A...

Preto de 25 participantes nos obradoiros de traxes para a cabalgata

09-01-2023 / Cultura

Preto de 25 persoas, entre cativos/as e pais/nais, participaron nos obradoiros de confección dos traxes que mañá lucirán na cabalgata de reis. Esta mañá o alcalde e a Concelleira de...