ÉXITO ROTUNDO DE SOUTONO! OS PRODUTOS DE PROXIMIDADE BRILLARON COMO NUNCA!
Bueno bueno bueno... menudo sábado pasamos en Talo Río!
Durante todo o día foron moitas as persoas que se achegaron á carpa de Soutono para gozar das múltiples actividades programadas e catar os produtos de proximidade dos distintos postos.
Esta iniciativa resultou ser a mellor promoción para os produtos elaborados neste Concello, e tamén para Soutomaior en xeral, xa que recibimos a visita de moita xente de Concellos limítrofes que de seguro volverá.
Neste sentido, temos que agradecer a todos e todas as que fixestes posible esta iniciativa. Dende os comerciantes, ata os que realizaron algún workshop ou showcooking, e tamén á Xunta de Galicia por financiar esta gran festa do produto de tempada e proximidade, especialmente ao Director Xeral de Medio Rural, José Balseiros, que, xunto ao Alcalde, visitou todos os postos de Soutono e ata participou nunha cata de viños de Soutomaior.
Seguiremos traballando para promocionar a excelente calidade dos nosos produtos. Uns produtos de proximidade e comercializados por comerciantes locais que ademais dispoñen das mellores D.O galegas.