Venres, 06 Setembro 2019 10:50

Traballos de mellora no CEIP Padín Truiteiro

Traballos de mellora no CEIP Padín Truiteiro

O Concello de Soutomaior acaba de finalizar a segunda fase das melloras programadas para o CEIP PadinTruiteiro. Tras os traballos necesarios para adaptar as medidas de seguridade do centro aos alumnos de infantil procedentes do antigo colexio de Oliveira, este ano as melloras centráronse nunha renovación case completa de varios patios, o pavillón deportivo e os exteriores ademais de varias tarefas de mantemento nas aulas.

Os primeiros traballos dedicáronse a unha renovación completa do perímetro exterior do centro, que se limpou e repintó por completo. Ademais, reformáronse completamente os cuartos de baño do patio principal ampliando os accesos e renovando todo o material cerámico e de fontanería. Boa parte das melloras levaron a cabo en varios dos patios do centro. O que dá acceso ao comedor escolar renovouse completamente retirando toda a capa de terra e cemento en mal estado para substituílo por un novo chan antiescorregadizo, ademais, aproveitáronse os traballos para mellorar a seguridade do depósito de almacenamento de combustible para a calefacción do centro.

No patio principal completouse a substitución da cuberta de fibrocemento iniciada o ano pasado. Esta mellora permitiu aliviar a estrutura do tellado polo que tamén se mellorou a seguridade e a habitabilidade do patio ao eliminar 11 columnas de suxeición, deixando un patio máis aberto e con menos obstáculos para os nenos. Ademais, tamén se acondicionou toda a pista do patio cun repintado e realizouse unha limpeza e pintado completo do pavillón deportivo tanto os exteriores como o interior.

Por último, levaron a cabo varias tarefas de mantemento habitual nas aulas como a reparación de pequenas incidencias de fontanería, persianas e pequenas melloras de habitabilidade.


Publicado en Deportes
Visto 553 veces


Concellería de Deportes
Pavillón Municipal A Montesiña

Escolas Deportivas - Natación

17-02-2020 / Deportes

Acábannos de comunicar do Centro Deportivo Rías do Sur que as piscinas climatizadas están avariadas e a temperatura da auga non se atopa aos mínimos esixidos para o seu uso. Por todo iso informámoslles que a actividade de natación das escolas deportivas do Concello de Soutomaior queda hoxe luns 17 de febreiro suspendida. Esta actividade queda aprazada para o luns 1 de...

Recoñecemento aos deportistas do Club Náutico Arcade.

03-02-2020 / Deportes

 O pasado sábado o Concello de Soutomaior recoñeceu nun acto no Castelo de Soutomaior aos deportistas do Club Náutico Arcade na súa modalidade de Esquí Náutico onde levan logrando uns meritorios resultados nos últimos anos logrando ser o club como mellor canteira en categorías basee. Pablo Puentes, Lucia Muiños e Andrea Vilas proclamáronse campións galegos a tempada pasada.  O Alcalde, Agustín Reguera...

Suspensión de actividades deportivas ao aire libre

16-01-2020 / Deportes

Debido que a Axencia Estatal de Meteoroloxía avisa dun fenómeno adverso de nivel laranxa por vento o Concello de Soutomaior informa que quedan suspendidas as seguintes actividades deportivas: Clases de Tenis e Padel (Pistas Pavillón A Montesiña) Adestramentos Campo de Fútbol Municipal de Salgueirón (Arcade) Adestramentos Campo de Fútbol Municipal de Candán (Soutomaior) O xoves 16/01/20 dende as 06.00 da madrugada ata as 20.00...

Peche de instalacións deportivas

20-12-2019 / Deportes

Peche de instalacións deportivas ao aire libre Por mor da alerta laranxa decretada pola AEMET o Concello de Soutomaior ordena preventivamente o peche de instalacións deportivas municipais ao aire libre para sábado 21 de decembro dende as 06.00 horas ata as 23.59 horas

Suspensión de actividades ao aire libre

18-12-2019 / Deportes

Debido que a Axencia Estatal de Meteoroloxía informa dun fenómeno adverso de nivel laranxa por vento o Concello de Soutomaior informa que quedan suspendidas as seguintes actividades deportivas: Clases de Tenis e Padel (Pistas Pavillón A Montesiña) Adestramentos Campo de Fútbol Municipal de Salgueirón (Arcade) Adestramentos Campo de Fútbol Municipal de Candán (Soutomaior)

Festival Nadal Gimnasio Club Arcade

18-12-2019 / Deportes

Domingo 22 ás 11,00 h. – Pavillón Municipal A Montesiña Como todos os anos por estas datas o Ximnasio Club Arcade celebra o seu festival de nadal onde participarán todos os seus alumn@ s dentro das modalidades de Kick Boxing, Baile Moderno, Aerobic,etc. Dentro da modalidade de kick boxing poñerase en escena unha representación a cargo de nenos desde os 3 anos...