Os deportistas do Kick Boxing Club Arcade, Verónica Alvarez e Anxo Vidal desprázanse a semana próxima á cidade de Weiz (Austria) para disputar o “ Word Chamionship” representando a España e seleccionados pola Comisión Española de Savate Boxeo Francés ( CESBF) que está afiliada á Federación Internacional de Savate.

Estes dous deportistas xa destacaron no campionato de España celebrado hai uns días en Guadalaxara onde obtiveron senllos ouros en categoría sénior feminino e en xunior masculino respectivamente

O Savate tamén coñecido como "boxeo francés" é un deporte de combate procedente de Francia que tomou moita notoriedade no último século, esta disciplina de combate caracterízase por ser unha unión de varias técnicas de defensa persoal, inspiradas noutras disciplinas como o boxeo occidental, o bastón de combate e outras técnicas de combate.

Esta mañá foron recibidos no Concello por parte do Alcalde, Agustín Reguera, que lles felicitou polos seus resultados no campionato de España e desexoulles toda a sorte para este campionato do mundo e mostrou a súa satisfacción que uns deportistas do noso Concello represéntennos nun mundial.

Así mesmo entregoulles un obsequio para que o nome do Concello de Soutomaior poida visualizarse en Austria.