Este domingo día 3 de setembro a partir das 17,00 horas celebrarase en Arcade a XIV edición da Baixada de Carrilanas.

Está organizada pola asociación veciñal e cultural Pozo Vello e co patrocinio do Concello de Soutomaior.

Un novo circuíto será a novidade mais relevante desta XIV edición, xa que a competición desprázase desde o lugar habitual (zona da Montesiña) para recolocarse na zona de Arcade de Riba, onde un circuíto mais longo e técnico poñerá a proba a pericia dos participantes.

O Concello de Soutomaior xa finalizou hai uns días as reparacións no trazado do circuíto que solicitaron os organizadores. Os organizadores representados por Álvaro Vergara, Daniel Álvarez e Vanesa Peón esperan unha gran participación de carrilanas de toda Galicia así como unha gran afluencia de público.

Competirán en 8 categorías:

• C4-C8
• C1-C4
• Rodamentos RX 
• Grabity Bike GB
• Skeleton SK
• Drift triple DT
• CX colectivo 
• CX individual

A proba é puntuable para a Copa Galicia.