O Alcalde de Soutomaior presentou esta mañá a V carreira da Ostra que se celebrará o domingo 25 de marzo, unha semana antes da celebración da festa gastronómica que dá nome á carreira.
Será un percorrido de 6.000 m con saída e chegada ao Peirao de Arcade.
A inscrición xa se pode realizar a través de www.croonotec.es é de 5€ para o público xeral e gratuíta para todos os participantes empadroados no Concellode Soutomaior.
Xa está aberta tanto para atletas federados como non federados, e persoas de todas as idades.
Pódense formalizar ata o 21 de marzo.
Os menores e os empadroados no Concello deben realizar a súa inscrición no Pavillón Municipal en horario de tarde ou ben por correo en Este enderezo de correo está a ser protexido dos robots de correo lixo. Precisa activar o JavaScript para velo..
O Alcalde, Agustín Reguera, anima a todos a participar nesta carreira popular tanto con afán competitivo como con afán lúdico e recreativo xa que a carreira está pensada para participar das dúas maneiras.
Así mesmo anima aos máis novos, desde a categoría chupete(de 0 a 5 anos) pasando polas categorías pitufos, benjamines, alevíns, infantís e cadetes, a practicar deporte de maneira recreativa e de convivencia.
Todos os participantes nas categorías inferiores levarán un recordo da súa participación na V carreira da ostra xa que nestas categorías non terá carácter competitivo.