Martes, 10 Xaneiro 2017 20:17

Inicio de programas educativos: Tecnoloxía, medioambiente e educación familiar

Inicio de programas educativos: Tecnoloxía, medioambiente e educación familiar

O Concello de Soutomaior pon en marcha novos proxectos educativos en áreas como a educación familiar, a tecnoloxía e programación ou a sensibilización medioambiental, o consumo responsable e a horta urbana e ecolóxica.

 

APRENDENDO EN FAMILIA: escola de pais e nais

Programa dirixido ás familias que ten como finalidade orientar, informar e formar sobre temas de interese para a educación de menores. Aportando nas sesións e obradoiros habilidades, técnicas e pautas para mellorar a educación de nenos e nenas en contextos actuais onde os novos retos necesitan afrontarse con vellas e novas ferramentas. Nesta ocasión traballaremos o tema do uso das tecnoloxías. As sesións estarán dirixidas por persoas expertas no uso de Internet, as redes sociais e as Novas Tecnoloxías entre os mais novos. Tocando temas como o impacto que os malos usos teñen nivel psicolóxico e condutual tradúcese a miúdo na aparición de certas prácticas de risco ou incluso novas formas de delito, como pode ser o cyberbullying, o sexting e a sextorsión ou o grooming. Sen esquecernos de que un uso abusivo pode chegar a asociarse cun maior sedentarismo, a aparición de trastornos da alimentación e do sono, illamento social, fracaso escolar etc. De todo isto falaremos os días:

  • Datas:  martes 24 e martes 31 de xaneiro. Hora: 17,00 a 18,30 h
  • Lugar: CPI M. Padin Truiteiro

Visita: Escola de Pais e Nais

 

Neste trimestre tamén se porá en marcha a ESCOLA MUNICIPAL DE HORTA URBANA E ECOLÓXICA que se iniciará cun curso de horta urbana ecolóxica. O proxecto é unha proposta para persoas que buscan unha formación en relación coas necesidades e os recursos do lugar no que viven. A través da Concellería de Educación e da  Concellería de Medio Ambiente ponse en marcha unha horta municipal en Arcade cunha orientación educativa  e con carácter formativo onde o esparcemento, a sensibilización ambiental e o consumo responsable serán os eixes fundamentais. Para poder cultivar unha parcela na horta será necesario realizar con éxito o curso de horta urbana e ecolóxica que se realizará so días:11,18 DE FEBREIRO e 11,18,25 de MARZO de 10 A 14 H. As prazas son limitadas.

Visita: Escola Municipal de Horta Urbana Ecolóxica

 

Outro programa xa iniciado en 2016 e co que se continuará será o programa EN CLAVE TECNOLÓXICA: APRENDE PROGRAMAR XOGANDO

Neste trimestre traballarase con scratch e modelado 3D con sketchUp. Os nenos e nenas de 4 a 17 anos que queiran participar terán que anotarse previamente e faremos grupo por idades. A programación é unha ferramenta moi útil para traballar o pensamento creativo, a lóxica e a imaxinación. Ademais, son coñecementos e habilidades que logo se poden trasladar á vida diaria para así comprender mellor o entorno que nos rodea. 

  

E por último, o programa ROTEIROS MEDIOAMBIENTAIS: COÑECE O TEU CONCELLO E ARREDORES.

A proposta para este trimestre é a seguinte:

  • 29 DE XANEIRO - Roteiro 1: "Con sabor salgado"
  • 19 DE FEBREIRO - Roteiro 2: "Fervenza do Inferno"
  • 26 DE MARZO - Roteiro 3: "Outra ollada á Peneda"

Cada roteiro ten as súas singularidades pero todos comparten o xogo, a curiosidade e a práctica saudable de camiñar de xeito tranquilo e sosegado disfrutando na natureza. Pero, ademais tamén comparte o obxectivo de aprender un pouco máis sobre o que nos rodea e sobre como podemos coidar e respetar máis o noso medio ambiente. 

Visita: Roteiros Medioambientais

 


Publicado en Educación
Descargar adjuntos:

2017 - 1 Trimestre Programacion Educación.pdf (729 Descargas)
Visto 1997 veces


Concellería de Educación
educacion@soutomaior.com

Cápsulas creativas para as vacacións de Nadal! xogar, agasallar, cociñar

01-12-2020 / Educación

Comeza o prazo de inscrición para participar nas actividades que  a Concellería de Educación do Concello de Soutomaior propón para este Nadal 2020. As actividades estarán adaptadas ás idades das persoas participantes e haberá grupos por idades desde os 6 ata os 18 anos. A proposta deste ano é diferente xa que tamén estamos ante un ano diferente por iso a novidade...

Incorporación de novas persoas ó proxecto Escola Municipal de Horta Urbana Ecolóxica

21-10-2020 / Horta Urbana Ecolóxica

Convócanse prazas para participar no proxecto Escola Municipal de Horta Urbana ecolóxica impulsado pola Concellería de Educación do Concello de Soutomaior. Toda a información sobre as normas e funcionamento podedes atopala xunto coa ficha de inscrición indicada máis abaixo.   As persoas interesadas en participar teñen que cubrir a súa inscrición na web: https://www.gabinetesoutomaior.com/index.php/inscricions-menu/inscricions-en-lina   O prazo de inscrición pecha o 12 de novembro...

Roteiros medioambientais

16-10-2020 / Educación

Comunicamos que esta actividade queda cancelada ante as novas normas de reducción persoas en actividades grupais e sociais. Desde o Concello decídese cancelar porque aínda que a actividade xa estaba organizada con subgrupos quérense evitar todos os riscos e neste caso había un percorrido en autobús que se faría con todo o grupo conxuntamente ata o lugar de inicio da...

Roteiros medioambientais: O MONTE SIRADELLA E INTERMAREAL DA LANZADA

07-10-2020 / Roteiros Medioambientais

O Concello de Soutomaior convoca este roteiro e actividade de sensibilización  medioambiental que terá lugar o domingo 18 de outubro pola mañá. Será unha xornada moi completa na que as persoas participantes poderán participar nunha visita guiada á Aula de Natureza do Monte Siradella e os seus arredores co fin de coñecer este espazo natural e todos os recursos ambientais...

Repartición de axendas entre os escolares

25-09-2020 / Educación

A Concellería de Educación de Soutomaior acaba de repartir 800 axendas escolares entre os alumnos dos diferentes centros de educación pública do municipio. Este é o terceiro ano en que o Concello de Soutomaior encárgase da edición e entrega destas axendas escolares, ideadas co obxectivo de proporcionar aos estudantes unha ferramenta para mellorar a organización das súas tarefas e que...

Axuda para material escolar Curso 2020/2021

16-07-2020 / Educación

A convocatoria ten por finalidade a concesión do material escolar necesario para o curso 2020/2021 do alumnado matriculado en educación infantil, primaria, secundaria ou bacharelato dos centros docentes do concello de Soutomaior así como para o alumnado do concello de Soutomaior que curse bacharelato noutro centro, FP ou PCPI.Entenderase por material escolar o necesario para realizar as actividades que se...

TV Concellería de Educación