Mércores, 11 Xaneiro 2017 13:50

Escola Municipal de Horta Urbana Ecolóxica. Curso de iniciación

Escola Municipal de Horta Urbana Ecolóxica. Curso de iniciación

O proxecto  de Escola Municipal de Horta Urbana Ecolóxica é unha proposta que parte das Concellerías de Educación e de Medio Ambiente coa finalidade de por en marcha unha horta municipal en Arcade cun carácter formativo, de esparcemento, de sensibilización ambiental e de consumo responsable.

Dixirido a para persoas que buscan unha formación en relación coas necesidades e os recursos do sitio onde viven, de xeito que  dependan o menos posible dos recursos externos. O aproveitamento de recursos naturais presentes no noso medio a partir de "recursos custo cero" como poden ser o acceso a terras sen cultivar e fomentar actividades de desenvolvemento no sector da agricultura ecolóxica e transformación en produtos elaborados, reciclaxe de residuos, ecoagroturismo e outros parécenos unha alternativa moi interesante para darlle un valor engadido. Permitindo isto que se coide o territorio e se conserve a nosa identidade e cultura, dun xeito sostible tanto económica, coma socialmente.

 

A quen vai dirixido

Persoas que queiran aprender e experimentar a opción de cultivar e obter hortalizas ecolóxicas sen impacto no medio así como consumir produtos máis sans. Familias que queiran a través do contacto coa terra e a natureza educar tomando conciencia dos ritmos biolóxicos das persoas.

 

Para poder acceder á solicitude do uso da horta/parcela débense cumprir os seguintes requisitos:

  1. Ser veciño/a de Soutomaior, figurando inscrito/a no Padrón Municipal de habitantes.
  2. Estar fisicamente capacitado/a para realizar o traballo agrícola.
  3. Ser maior de idade ou vir acompañado dunha persoa que teña titularidade da horta/parcela previa autorización.
  4. Realizar e rematar con éxito o curso de iniciación á horta municipal ecolóxica convocado polo Concello de Soutomaior.
  5. Estar ao corrente no pago das súas obrigacións tributarias co Concello de Soutomaior.

 

Nota: Unha vez finalizado o curso cederase temporalmente ás persoas que realizaron o curso o uso das parcelas que estiveron cultivando para que poidan seguir co traballo iniciado ata o mes de agosto baixo a supervisión do Concello ata que se recolla a colleita. Durante este proceso a profesora do curso realizará titorías para asesorar e resolver dúbidas que vaian xurdindo e o Concello velará polo bo funcionamento do proxecto aplicando a ordenanza municipal para que se respeten as normas e fins do proxecto de horta/escola.

 

Obxectivos do curso:

Potenciar o cultivo e consumo de produtos de proximidade, ecolóxicos, de temporada mediante técnicas respectuosas co medio ambiente. Fomentar hábitos alimenticios saudables. Dar a coñecer a cultura rural tradicional da zona. Fomentar o respecto pola terra e pola vida.Concienciación sobre a nosa aptitude cara ao medio ambiente. Implicación, responsabilidade e compromiso na xestión da horta.Fomentar o traballo en grupo, a planificación das actividades e labores da horta.

 

Contidos

Deseño e preparación de bancais para cultivo partindo dun terreo baldío. Laboreo. Acolchado. Definición de horta de tempada. Asociacións e rotacións de cultivos. Introdución de aromáticas. Recoñecemento de pragas.Tratamento de pragas. Insecticidas e funxicidas ecolóxicos. Elaboración de compost equilibrados. Realización dun compostoiro. Elaboración de outros abonos e lombricompost.

 

Metodoloxía

A metodoloxía que se empregará será eminentemente práctica e participativa. Mediante a creación dun ambiente de cooperación, acción que leven ao alumnado ao recoñecemento da infinidade de posibilidades que ofrece a agricultura ecolóxica.

A proposta formativa baséase no modelo da investigación-acción participativa, o cal é moi diferente aos modelos formativos convencionais. Con esta metodoloxía, teoría e práctica van unidas, volvendo en forma de espiral dende a práctica á teoría para reformular os contidos e avaliar cada parte do proceso de aprendizaxe, que se converte nunha aprendizaxe viva cun claro sentido práctico para a súa aplicación a nivel particular ou comunal: neste caso no cultivo dunha parcela dentro da horta municipal.

 

  • Duración do curso: 20 horas
  • Datas e horarios das sesións presenciais do curso: 11,18 DE FEBREIRO e 11,18,25 de MARZO de 10:00 a 14:00 h.
  • Custe: o curso ten un custe cero aínda que no momento da inscrición haberá que pagar unha fianza de 10€/ persoa que se devolverá cando se remate o curso con éxito e exista un compromiso real de continuar coa parcela/horta.
  • Prazo de inscrición: ata o 1 de febreiro ou ata cubrir prazas (18). O curso realizarase si hai un mínimo de persoas inscritas.

 


Visto 2045 veces


Concellería de Educación
educacion@soutomaior.com

Mantén a cabeza activa e creativa contra o coronavirus. Guía de recursos

24-03-2020 / Educación

O Concello de Soutomaior pon á vosa disposición a GUÍA DE RECURSOS "CONFINAMENTO CREATIVO: ACTIVIDADES PARA FACER DENDE A CASA. MANTÉN A CABEZA ACTIVA E CREATIVA CONTRA O CORONAVIRUS". Nestes enlaces https://www.gabinetesoutomaior.com/index.php/programas-educacion/confinamento-creativo e en www.soutomaior.gal  poderedes atopar unha morea de recursos que poden ser de gran axuda para ocupar e aproveitar o tempo dun xeito saudable, ameno, formativo e lúdico.  Atoparedes...

Escola de Familias

10-03-2020 / Escola de Familias

Comezamos hoxe martes 10 de marzo coa Escola de Familias, proxecto de educación familiar impulsado pola Concellería de Educación do Concello de Soutomaior contando coa colaboración do CEIP M Padin Truteiro, do IES Soutomaior, da Escola Infantil Galiña Azul, da Escola Infantil de Romariz e do Colexio Santiago Apóstol. Nesta primeira sesión que se desenvolverá de 16.30 h a 18.00 h nas...

Soutomaior coa ciencia, continúan as actividades nos centros educativos.

06-03-2020 / Educación

Este xoves o alumnado de 2º e 3º da ESO do IES Soutomaior participou nos obradoiros de Robotica e de Impresión 3D. No obradoiro de Robótica o alumnado iniciouse na programación de robots  mbot mediante unha serie de probas básicas co fin de preparar e programar os seus robots para a participación nun  gran torneo no que tiveron que superar varios...

Inicio dos obradoiros "Soutomaior coa ciencia" no CEIP M. Padin Truiteiro

04-03-2020 / Educación

Este mércores 4 de marzo o Concello de Soutomaior comezou os obradoiros que se van a impartir no marco do programa "Soutomaior coa Ciencia" nos centros educativos. Este progrmaa impulsado pola Concellería de Educación ten como fin achegar a ciencia a toda a cidadanía en xeral a través da participación en actividades dirixidas a diferentes públicos. Hoxe impartiuse o obradoiro...

Escolares contra o cambio climático

02-03-2020 / Educación

Os escolares do Concello de Soutomaior están decididos a plantar cara ao cambio climático. Máis de 100 alumnos do IES Soutomaior e o CEIP Padin Truiteiro participaron nunha xornada dedicada a promover o respecto polo medio ambiente e a posta en valor dos recursos forestais. Visita Pazo de Lourizán A primeira das actividades , na que participaron os alumnos de 4º da...

Soutomaior coa Ciencia

13-02-2020 / Educación

Coincidindo co día internacional da nena na ciencia, o Concello de Soutomaior presentou onte unha nova iniciativa organizada de forma conxunta polas concellerías de Igualdade, Xuventude e Educación, “Soutomaior coa Ciencia”. Creada co obxectivo de fomentar a cultura científica entre a cidadanía mediante charlas e talleres interactivos, a iniciativa xorde da gran aceptación da Semana da Ciencia creada o ano...

TV Concellería de Educación