Achégase o Nadal e o Concello de Soutomaior pon en marcha a súa programación abrindo o prazo de inscrición para participar nos OBRADOIROS LÚDICOS DE ARQUITECTURA dirixidos a idades comprendidas entre os 4 e os 17 anos.
Todos os anos desde a Concellería de Educación ofrécense actividades lúdicas cun compoñente formativo para que durante as vacacións de Nadal ademais de descansar e disfrutar poidamos aprender e experimentar cousas diferentes. O ano pasado os obradoiros tiñan como temática a ciencia e o arte e nesta ocasión a temática será a arquitectura e o noso entorno. Neste obradoiros explorarase a idea do refuxio, o chan ou a casa. Unha aposta por achegar a arquitectura aos máis pequenos e á xuventude para concebir novas ideas a partir do narrado ou visual, usando o xogo plástico, psicomotor ou simbólico de construcción colectiva. Introducindo nos obradoiros actividades de construcción, elaboración de maquetas ou experimentar coa gravidade .
Os obradoiros terán unha metodoloxía moi lúdica, práctica e participativa adaptándose contidos e actividades para cada idade. Ofrecemos tres posibilidades:
OBRADOIRO: o refuxio
- Idades: 4 a 7 anos
- Datas: 27 de decembro e 3 de xaneiro
- Horario: 10,15 a 11,5 h
- Descrición: o xogo para explorar a idea de refuxio desde a perspectiva do corpo en relación co espazo. Realizaremos experimentos plásticos e psicomotores, construcións colectivas a partir do xogo simbólico e os roles.
OBRADOIRO: no chan
- Idades: 8 a 11 anos
- Datas: 27 de decembro e 3 de xaneiro
- Horario: 11,30 a 12,30 h
- Descrición: mediante o xogo e o visual traballaranse destrezas múltiples con actividades de construcción. Experimentación física da gravidade cunha actividade visoespacial. A estrutura molecular e as incribles figuras xeométricas, experimentaremos co triángulo como elemento xerador de tridimensionalidade.
OBRADOIRO: a casa
- Idades: 12 a 17 anos
- Datas: 27 de decembro e 3 de xaneiro
- Horario: 12,45 a 14,15 h
- Descrición: a través do xogo realizaremos un percorrido sobre a historia e a diversidade de casas. Exercizos gráficos de planos e elaboración de maquetas de traballo; arquitecturas populares, avances na arquitectura sostible…. Como queremos que sexan os nosos fogares?
Prazo de inscrición: ata o 22 de decembro
INSCRICIÓN EN LIÑA: Obradoiros lúdicos de Arquitectura
As prazas son limitadas e cubriranse por orde de inscrición tendo preferencia as persoas empadroadas no Concello de Soutomaior.
Máis información na OMIX, Tel, 986700822 ou en Este enderezo de correo está a ser protexido dos robots de correo lixo. Precisa activar o JavaScript para velo.