Luns, 27 Novembro 2017 20:09

Xornada de sensibilización sobre a diversidade funcional

Xornada de sensibilización sobre a diversidade funcional

QUE DIS?... CAPACIDADE SI, MOITA

Con este lema o Concello de Soutomaior programa para este sábado 2 de decembro en Talorío de 16 a 17.45 h unha serie de actividades lúdicas e de sensibilización co gallo do “día internacional da discapacidade”(termo recoñecido así pola OMS). A Concellería de Educación promove esta xornada cun enfoque positivo e participativo para promover unha educación inclusiva e fomentar a reflexión poñendo énfase nas capacidades; por iso, falamos dunha xornada sobre a diversidade funcional e non dunha xornada sobre a discapacidade porque entendemos que as diferenzas non se deben destacar desde unha visión negativa, que implique enfermidade, deficiencia ou falta de… senón desde o poder e o ser capaz, desde o positivo porque ser diferente non pode ser traumático nin negativo.  

Trátase de visibilizar as diferentes capacidades das persoas, de sensibilizar sobre importancia de normalizar a vida sen a exposición continua aos prexuízos dos demais e de contribuír na construción en positivo dun presente e futuro inclusivo e igualitario.

HORARIOS E ACTIVIDADES:

16,00 a 17,45 h

XINCANA “INTEGRANDO A TRAVÉS DO LÚDICO”

Con diferentes estacións nas que haberá xogos potenciadores e estimuladores de todos os sentidos nos que poderá participar todo o mundo.

Exposición de materiais educativos cos que poder traballar os trastornos do espectro do Autismo e TDAH con dinámicas para comunicar e descubrir con pictos.

 

OBRADOIROS:

OBRADOIRO DEBUXANDO A CEGAS

Imos debuxar a cegas a partir de obxectos que tocamos, para logo identificar as formas e os debuxos, creando un xogo de adiviñanza a través da expresión plástica.

OBRADOIRO DE CUSTOMIZACION “BOLSAS CON PERSOALIDADE”

Cada vez hai máis persoas novas que por diferentes causas son ostomizadas e teñen que usar estas bolsas. Co obradoiro as persoas poderán coñecer que significa levalas e, recibir pautas sobre como normalizar estas situacións.

OBRADOIRO “O CÍCULO MÁXICO AZUL”

Este obradoiro creativo e lúdico os rapaces e rapazas podrán colorear os seus círculos azuis e decorar o resto do debuxo. Despois montarán o círculo máxico e ao facelo xirar, verán como se mide a glicemia. Un xesto que un menor con diabetes debe facer moitas veces no seu día a día. 

 

17,45 a 18,15  CONTACONTOS “O CAZO DE LOURENZO”

da escritora Isabelle Carrier recomendado por FEAPAS

Actividade complementaria:  VISIBILIZANDO O INVISIBLE

Para facernos preguntas e reflexionar sobre situacións que ó mellor descoñecemos pero que existen. Conteremos coa  colaboración de ANEDIA Asociación de Nenos e Nenas con Diabete de Galicia; ASSEII (asociación socio sanitaria educativa inflamatoria intestinal) e de Alba Pérez Fernández creadora do blog "Creando en Especial". 

 


Publicado en Educación
Visto 1507 veces


Concellería de Educación
educacion@soutomaior.com

Cápsulas creativas para as vacacións de Nadal! xogar, agasallar, cociñar

01-12-2020 / Educación

Comeza o prazo de inscrición para participar nas actividades que  a Concellería de Educación do Concello de Soutomaior propón para este Nadal 2020. As actividades estarán adaptadas ás idades das persoas participantes e haberá grupos por idades desde os 6 ata os 18 anos. A proposta deste ano é diferente xa que tamén estamos ante un ano diferente por iso a novidade...

Incorporación de novas persoas ó proxecto Escola Municipal de Horta Urbana Ecolóxica

21-10-2020 / Horta Urbana Ecolóxica

Convócanse prazas para participar no proxecto Escola Municipal de Horta Urbana ecolóxica impulsado pola Concellería de Educación do Concello de Soutomaior. Toda a información sobre as normas e funcionamento podedes atopala xunto coa ficha de inscrición indicada máis abaixo.   As persoas interesadas en participar teñen que cubrir a súa inscrición na web: https://www.gabinetesoutomaior.com/index.php/inscricions-menu/inscricions-en-lina   O prazo de inscrición pecha o 12 de novembro...

Roteiros medioambientais

16-10-2020 / Educación

Comunicamos que esta actividade queda cancelada ante as novas normas de reducción persoas en actividades grupais e sociais. Desde o Concello decídese cancelar porque aínda que a actividade xa estaba organizada con subgrupos quérense evitar todos os riscos e neste caso había un percorrido en autobús que se faría con todo o grupo conxuntamente ata o lugar de inicio da...

Roteiros medioambientais: O MONTE SIRADELLA E INTERMAREAL DA LANZADA

07-10-2020 / Roteiros Medioambientais

O Concello de Soutomaior convoca este roteiro e actividade de sensibilización  medioambiental que terá lugar o domingo 18 de outubro pola mañá. Será unha xornada moi completa na que as persoas participantes poderán participar nunha visita guiada á Aula de Natureza do Monte Siradella e os seus arredores co fin de coñecer este espazo natural e todos os recursos ambientais...

Repartición de axendas entre os escolares

25-09-2020 / Educación

A Concellería de Educación de Soutomaior acaba de repartir 800 axendas escolares entre os alumnos dos diferentes centros de educación pública do municipio. Este é o terceiro ano en que o Concello de Soutomaior encárgase da edición e entrega destas axendas escolares, ideadas co obxectivo de proporcionar aos estudantes unha ferramenta para mellorar a organización das súas tarefas e que...

Axuda para material escolar Curso 2020/2021

16-07-2020 / Educación

A convocatoria ten por finalidade a concesión do material escolar necesario para o curso 2020/2021 do alumnado matriculado en educación infantil, primaria, secundaria ou bacharelato dos centros docentes do concello de Soutomaior así como para o alumnado do concello de Soutomaior que curse bacharelato noutro centro, FP ou PCPI.Entenderase por material escolar o necesario para realizar as actividades que se...

TV Concellería de Educación