O Concello de Soutomaior, a través da Concellería de Igualdade e o CIM (Centro de Información á Muller) desenvolveu ao longo do ano pasado diversas actividades que se enmarcan dentro das diferentes áreas do IV PIOM (Plan Municipal de Igualdade de Oportunidades entre mulleres e homes) 2021-2025.
No eixo da promoción da igualdade no Concello publicouse o IV PIOM, así como que se elaborou unha guía de conciliación e outra guía de linguaxe non sexista.
Con este IV PIOM , renova e fortalece o seu compromiso e implicación na construción dunha sociedade máis igualitaria e respectuosa coa diversidade, xusta e equitativa , e máis sustentable, en definitiva unha sociedade máis saudable e satisfeita de habitar o seu territorio
O Centro de Información á Muller municipal do Concello de Soutomaior, contou neste ano 2021 coa apertura dun total de 188 novos expedientes. Realizáronse un total de 137 consultas xurídicas, 272 consultas psicolóxicas , 11 atencións a mulleres vítimas de violencia de xénero e 76 consultas sobre información de cursos, xornadas ou recursos.