Hoxe o alcalde de Soutomaior e a Concelleira de Igualdade achegáronse á última sesión de 'Galegas Dixitais' para despedir ás participantes e agradecerlles o seu interese. A iniciativa tiña como obxectivo axudar ás mulleres desempregadas a mellorar a súas habilidades informáticas e, polo que nos transmitiron as asistentes, cumpriuse de lonxe.
Queda agora seguir buscando novas formas de mellorar a empregabilidade da veciñanza, con cursos, obradoiros e clases que permitan aos/ás desempregados/as formarse de forma gratuíta.
Esta iniciativa contou co apoio do ‘Proxecto Formación TIC na provincia de Pontevedra’ da Consellería de Emprego e Igualdade. (Financiado pola Unión Europea NextGeneration EU)