fbpx
Imprimir esta páxina
Venres, 11 Novembro 2022 14:34

Sempre do lado das víctimas: O concello presenta a campaña do 25N

Sempre do lado das víctimas: O concello presenta a campaña do 25N

O Concello de Soutomaior, a través da Concellería de Igualdade e o CIM (Centro de Información a Muller) pon en marcha a campaña do 25 N, Día Internacional  violencias machistas, este ano baixo o lema “O SUPERPODER DO BO TRATO” Tecendo novas masculinidades. 
 
O obxectivo da presente campaña de sensibilización é poñer o foco na implicación da poboación masculina, especialmente na poboación xuvenil , entendendo que é na  prevención da violencia  onde está a futura sociedade do bo trato e a convivencia igualitaria.
 
Na secunda década do C.XXI , nun momento no que os valores de igualdade e non discriminación entre sexos, están maioritariamente aceptados, sorprende ver como patróns e condutas machistas que pensabamos erradicadas se perpetúan e aceptan entre as persoas máis mozas.
 
Un estudo de percepción da violencia de xénero na adolescencia  e na xuventude,amosase que un de cada  cinco mozos de entre 15 e 29 anos, considera que a violencia de xénero non existe.  Este paradoxo, polariza e enfronta a unha loita de poder entre xéneros, que escapa absolutamente dos obxectivos do feminismo.
 
A Campaña Ilustrada polo artista local Fabian Piñeiro, recorre a figura de superhéroes masculinos, que representan moitas veces estereotipos de masculinidades violentas, para representar a idea de cooperación masculina contra os machismos,  tecendo novas masculinidades que empreguen o bo trato como un auténtico superpoder de sociedades +  igualitarias do futuro.
 
A loita feminista e a erradicación da violencia de xénero precisa si ou si , da implicación da poboación masculina nesta sensibilización e transformación social. Non é posible doutro xeito.
 
Coma nos anos anteriores, o comercio local e os servizos de restauración poden colaborar coa difusión  e visibilización da campaña nos seus establecementos, o único que teñen que facer é inscribirse na páxina do gabinete de prensa o chamar por teléfono o Centro de Información da Muller (CIM) 986701227, unha vez recibida a solicitude poranse en contacto para facilitar o material divulgativo.
 
O 24 de Novembro na Biblioteca Municipal Luis Seoane, farase a presentación do libro de Milagros Domínguez Garcia “ Proteger es mi deber”, coa presencia da autora.
 
O 25 de novembro, no edificio Multiusos de Arcade,  ás 17:30 da tarde, terá lugar un obradoiro cos xogadores dos dous equipos de fútbol de Concello:  Club Deportivo Arcade e Club Deportivo Soutomaior, das diferentes categorías, para ilustrar e apoiar a campaña municipal e  a importancia da implicación  pola loita contra a violencia machista.
 
 Ás 19:00 h. no salón de actos do Edificio Multiúsos de Arcade lectura do Manifesto por parte das futbolistas do equipo feminino do Club Deportivo Arcade, para logo pechar os actos cunha performace da artista local ,  Saida Rkiek titulada “Cartas de amor”.
 
A campaña difundirase tamén nos centros escolares do Concello coa colocación de carteis e a entrega de adhesivos e bolígrafos para as crianzas.
 

 


Cartel Cartel

Publicado en 25N (Igualdade)
Visto 465 veces