Luns, 23 Xaneiro 2023 13:03

Preto de 700 consultas atendidas polo CIM o ano pasado, das cales 320 corresponden a atención psicolóxica

Preto de 700 consultas atendidas polo CIM o ano pasado, das cales 320 corresponden a atención psicolóxica

O Centro de Información á Muller de Soutomaior fai repaso do traballo desempeñado o pasado 2022 e destaca o gran número de persoas que se beneficiaron da súas iniciativas. Neste sentido, atendéronse máis de 130 consultas de asesoramento xurídico gratuíto e máis de 320 de atención psicolóxica tamén de forma totalmente gratuíta. Ademais abríronse 188 novos expedientes. 
O CIM posiciónase así como un organismo clave para a veciñanza de Soutomaior. En especial para as mulleres máis vulnerables, xa que o ano pasado atendeu consultas de ata 23 vítimas de violencia de xénero.
Por outro lado, foron moitas as persoas que se beneficiaron dos programas potenciados polo Concello a través do CIM, como o ‘Espazo Concilia’ que facilitou a conciliación familiar durante as vacacións escolares, ou o ‘Espazo de Autocoidado’ que mellorou a calidade de vida de decenas de mulleres.

 

'Espazo Concilia' desempeñou catro campamentos ao longo de períodos vacacionais , ofertando de xeito totalmente gratuíto un total de 250 prazas (crianzas entre 3 e 12 anos) para favorecer a conciliación da vida familiar e laboral durante períodos non lectivos dos centros educativos.

'Espazo Autocoidado' o programa de  intervención comunitaria,  está orientado principalmente a mulleres do Concello, facendo intervencións desde diferentes perspectivas e orientacións para axudarlles a definir a procura dos seus proxectos vitais, da súa identidade e da súa autonomía, da súa orientación persoal, social e laboral, así coma tamén do tecido e fortalecemento de redes sociais entre elas e do principio de sororidade. tamén contou cun total de seis obradoiros de diferentes disciplinas que se desenvolveron  desde o mes de Marzo o mes de Setembro de 2022 no centro Multiusos de Arcade ,  contando  cun total de  106 prazas .

'Espazo Diversidade' é un programa de intervención comunitaria para dar visibilidade e promover a tolerancia, a dignidade, a non discriminación e a igualdade de dereitos ante a lei  das persoas LGTBI+, de xeito transversal pero reclamando mais atención entre o 17 de maio, Día Internacional  contra a Homofobia, a Transfobia e a Bifobia e o 28 xuño Día  Internacional do Orgullo LGTB+. Promover a sensibilización e tolerancia, dando voz e ocupando espazos para as súas reivindicacións.

Publicado en Igualdade
Visto 106 veces

Igualdade

Comeza o curso de Arteterapia

Comeza o curso de Arteterapia

21-03-2023 / Espazo Autocoidado e Apoderamento (Igualdade)

Hoxe tivo lugar a primeira sesión de Arteterapia, un obradoiro que promete mellorar a autoconciencia e a calidade de vida das súas participantes. Esta iniciativa, que se encadra dentro do Espazo de Autocoidado, involucra a preto de vinte mulleres. A concelleira de Igualdade achegouse ao multiúsos para coñecer as primeiras sensacións das participantes.

O Programa

O Programa "Enredadas" dinamiza as Asociacións Veciñais con vogalía de muller

16-03-2023 / Espazo Redes (Igualdade)

Hoxe tivo lugar unha nova reunión cas asociacións de mulleres e veciñais con vogalía de muller do noso concello. Estas reunións, que fan parte do Programa Enredadas teñen como obxectivo...

Presentamos o Campamento para favorecer a conciliación familiar en Semana Santa

Presentamos o Campamento para favorecer a conciliación familiar en Semana Santa

15-03-2023 / Espazo concilia (Igualdade)

O alcalde e a Concelleira de Igualdade presentaron o Campamento Concilia de Semana Santa. Esta iniciativa do Concello, organizada a través do CIM, busca ofrecer unha alternativa de conciliación familiar...

Arrinca a programación do 8M ca presentación dunha Guía Didáctica

Arrinca a programación do 8M ca presentación dunha Guía Didáctica

08-03-2023 / 8M (Igualdade)

Hoxe comezamos ca programación do 8M ca presentación da Guía Didáctica ‘Historia do Movemento Feminista 1975 -1983’, elaborada pola nosa veciña Raquel Fernández. A obra fai un repaso á historia do...

A concelleira presenta as novas sesións de Arteterapia

A concelleira presenta as novas sesións de Arteterapia

07-03-2023 / Espazo Autocoidado e Apoderamento (Igualdade)

O CIM ofrece un novo obradoiro dentro do Espazo de Autocoidado. Nesta ocasión será de Arteterapia. Todas as interesadas poden inscribirse xa nesta iniciativa que terá lugar os martes de...

Presentamos o Programa do 8M

Presentamos o Programa do 8M

06-03-2023 / 8M (Igualdade)

Como cada ano, no Concello de Soutomaior celebramos o día 8 de Marzo cunha programación que busca poñer en valor a figura da muller e ca promesa de seguir facendo...

Abrimos as inscricións para a XIV Xuntanza de Mulleres

Abrimos as inscricións para a XIV Xuntanza de Mulleres

03-03-2023 / Espazo Redes (Igualdade)

Tras o éxito dos pasados anos, o Concello de Soutomaior, a Concellería de Igualdade e o Centro de Información á Muller (CIM), organizan a XIV Xuntanza de Mulleres do Concello...

Seguimos apostando polo benestar físico e mental

Seguimos apostando polo benestar físico e mental

02-03-2023 / Espazo Autocoidado e Apoderamento (Igualdade)

Desde o Concello de Soutomaior, a través do CIM, púxose en marcha os obradoiros ‘Calma na Alma’ e ‘Empoderamento Corporal’, dúas iniciativas do Espazo Autocoidado.    En ‘Calma na Alma’’ trabállanse técnicas...