O alcalde e a Concelleira de Igualdade presentaron o Campamento Concilia de Semana Santa. Esta iniciativa do Concello, organizada a través do CIM, busca ofrecer unha alternativa de conciliación familiar ás familias durante algúns días das vacacións escolares.

A cativada estará entretida, facendo todo tipo de actividades, xogos e obradoiros para “liberar” durante algunhas horas aos seus pais.

O campamento terá lugar os días 3, 4, 5 e 10 de abril de 9.00 a 14.00 horas (para as familias que o precisen poderá ampliarse o horario de 8.00 a 15.00h)

O campamento vai destinado a crianzas do Concello de Soutomaior entre 3 e 12 anos e a aquelas familias que traballen no termo municipal.

 A través de xogos e dinámicas os e as participantes pasarán unhas oras divertidas mentres traballan de xeito transversal valores igualitarios e de respecto a todas as persoas.