Baixo o lema "Non o Xustifiques", a iniciativa ten como obxectivo aumentar a conciencia sobre os distintos tipos de abuso e violencia machista, y a implicación que nos fai cómplices.
O Concello de Soutomaior presentou o seu programa de eventos para conmemorar o día 25 de novembro, Día Internacional contra a Violencia Machista, o Alcalde de Soutomaior, Agustín Reguera, e a Concelleira de Igualdade, Cristina González Piedras, fixeron pública a nova campaña municipal de sensibilización e concienciación coa que o Concello pretende "dar visibilidade a moitas formas de violencia que ás veces, a sociedade ten normalizadas. E non por iso deixan de ser formas de violencia", dixo o alcalde durante a presentación.
A campaña terá dúas liñas de acción, a primeira a realizarse no Centro de Información as Mulleres (CIM) de Arcade, que pode incluír a lectura dun manifesto en apoio a todas as vítimas de violencia machista, e de condena institucional a esta lacra social, e un concerto, man do cuarteto de cordas "Lulavai", e unha segunda liña na que se involucrará gran parte do comercio local de Soutomaior. Durante a campaña, os locales adheridos a campaña, contarán cunha serie de carteis e distintivos de apoio á iniciativa e trasladarán a mensaxe entre os seus clientes, através de bolsas de pano con mensaxes de aviso sobre as distintas formas de violencia machista. "Coa distribución destas bolsas queremos que a campaña chegue a rúa , as persoas e a vida cotiá", explicou González. Ademais, instalarase na rúa principal de Arcade o coñecido como "iceberg das formas de violencia machista", unha figura representativa dos diferentes niveis de abuso e violencia con base no seu grao de visibilidade e sutileza.
Pola súa banda, o alcalde de Soutomaior, Agustín Reguera, quería "chamar a todos os homes a se involucrar dun xeito real nesta loita. Ser indiferente fainos cómplices, Non o xustifiques", concluíu o rexidor.