Mércores, 25 Novembro 2015 12:09

Regulamento municipal sobre venda ambulante

Regulamento municipal sobre venda ambulante

O CONCELLO DE SOUTOMAIOR APROBA O SÉO NOVO REGULAMENTO MUNICIPAL SOBRE VENDA AMBULANTE A nova normativa pretende impulsar a Feira de Arcade e dinamizar o comercio local.

O pleno municipal de Soutomaior aprobou inicialmente a pasada semana a nova Ordenanza Municipal para a regulación da Venda Ambulante. Un regulamento que ten como principal obxectivo potenciar a feira de Arcade, que se trasladará á Alameda Talo Río, así como o comercio local ao aumentar a afluencia de veciños na zona que máis establecementos comerciais agrupa en todo o municipio.

"Pódese dicir que esta é unha ordenanza de consenso", afirmou o alcalde, Agustín Reguera, xa que a aprobación final da normativa ten lugar despois de manter varias reunións co Presidente da Asociación Galega de Ambulantes e Autónomos, D. Francisco Romeu Alvite, e a súa directiva para asegurar a máxima colaboración entre todas as partes e minimizar os posibles problemas.

“Para nós é moi importante revitalizar a feira como parte dun sector fundamental para a economía do noso municipio”, afirmou Reguera, que expresou o seu desexo de que a nova localización e regulamentación “sirvan para que a feira de Arcade e a economía local crezan e a situación económica mellore para todos”. Ademais, a nova regulación está deseñada conforme á normativa europea establecida pola Directiva de Servizos, que garante o procedemento para a concesión da autorización municipal baixo os principios transparencia, imparcialidade e publicidade.

O sistema de adxudicación farase por sorteo entre todos os solicitantes. Para poder recibir a preceptiva autorización municipal, os comerciantes deberán estar dados de alta no epígrafe correspondente do IAE, na Seguridade Social e ter un seguro de responsabilidade civil en vigor. Cada persoa física ou xurídica só poderá dispoñer dun posto. As datas da feira mantéñense como ata agora, os días 13 e 26 de cada mes. O horario será desde as 07:00 ata as 13.30 horas. Todos os postos deberán estar retirados antes das 15.30. Os novos postos serán de 4, 8, 10 e 12 metros lineais e sempre deberán estar situados de maneira que non entorpezan o paso dos peóns nin o acceso aos edificios lindeiros


Descargar adjuntos:

2016 Regulamento venda ambulante.pdf (816 Descargas)
Visto 1499 veces

Concellería de Novas Tecnoloxías
e Comercio

Casa do Concello

Campaña promoción comercio local – Entrega de cheques regalo

03-01-2019 / Novas Tecnoloxías e Comercio

O Concello de Soutomaior pechou a pasada semana a súa campaña do Nadal de apoio ao comercio local coa entrega dos 100 cheques regalo, por valor de 5.000 euros, que se sortearon entre todas as compras realizadas nos establecementos do municipio entre o 30 de novembro e o 24 de decembro. Os cheques regalo poderanse trocar nos establecementos adheridos á campaña...