Tralo paso no mes de abril polo barrio de Aranza, o punto limpo móbil foi transportado ata o lugar de Arcade de Arriba, nas inmediacións do colexio Padín Truiteiro para prestar o servizo de recollida de residuos.

Como ven sendo habitual dende que comezou a funcionar, o vehículo sitúase en distintos lugares do termo municipal para mellorar os niveis de reciclaxe dos residuos xerados nos fogares.

As distintas fraccións de residuos deben depositarse nas correspondentes bocas de aporte, introducindo os aceites de cociña en botellas de plástico ben pechadas e a roupa en bolsas, nunca prendas soltas. Está prohibido deixar abandoado lixo fóra do punto limpo.

Ante calquera dúbida no emprego deste servizo habilítase o teléfono: 660821131.